شارانى قازاقستان رەسپۋبليكاسىنىڭ قىتاي حالىق رەسپۋبليكاسىنداعى ەلشىلىگى «نك «Kazakh Invest» اق-مەن جانە اقتوبە وبلىسىنىڭ اكىمدىگىمەن بىرگە ۇيىمداستىرعان بولاتىن. وعان اقتوبە وبلىسىنىڭ اكىمى بەردىبەك ساپارباەۆ, قازاقستان رەسپۋبليكاسىنىڭ قىتاي حالىق رەسپۋبليكاسىنداعى ەلشىسى شاحرات نۇرىشەۆ, وڭىردەگى ءىرى كاسىپورىنداردىڭ باسشىلارى, قحر-دىڭ حالىقارالىق ساۋدا-ساتتىققا جاردەمدەسۋ جونىندەگى قىتاي كوميتەتىنە, قىتايدىڭ ونەركاسىپتىك-كوممەرتسيالىق فەدەراتسياسىنا, جەڭىل ونەركاسىپ اسسوتسياتسياسىنا جانە وزگە دە بىرلەستىكتەرگە كىرەتىن ىسكەرلىك ورتاسىنىڭ وكىلدەرى قاتىستى.
بەردىبەك ساپارباەۆ وبلىستىڭ ينۆەستيتسيالىق الەۋەتىمەن, نەگىزگى ءوندىرىس فاكتورلارىمەن, ينۆەستيتسيالاۋعا قاجەت قولايلى جاعدايلارمەن جانە ەكونوميكانىڭ كەلەشەگى بار سالالارىمەن تانىستىردى, سونىمەن قاتار, ءوڭىردىڭ «نۇرلى جول» جاڭا ەكونوميكالىق ساياساتى مەن قىتايدىڭ ء«بىر بەلدەۋ, ءبىر جول» باستاماسىنىڭ ءرولىن اتاپ ءوتتى.
قىتايلىق ينۆەستورلارعا ۇسىنىلعان پەرسپەكتيۆتى ينۆەستيتسيالىق جوبالاردىڭ قاتارىندا بولات پەن شويىن تۇرىندەگى دايىن ءونىم شىعاراتىن تاۋ-كەن مەتاللۋرگيالىق كەشەنىنىڭ, تەمىر رۋدالارىن قايتا وڭدەيتىن تاۋ-كەن مەتاللۋرگيالىق كەشەنىنىڭ, قالدىقتاردى كادەگە جاراتاتىن ەلەكتر بەكەتىنىڭ, اۋىلشارۋاشىلىعى ءونىمىنىڭ كولىك-لوگيستيكالىق ورتالىعىنىڭ قۇرىلىسى, «اششىساي» تيتان-تسيركوني كەن ورنىن يگەرۋ جانە ت.ب. بار.
شارانىڭ قورىتىندىسى بويىنشا قول قويىلعان ءتورت مەموراندۋم وڭىردە مۇناي-گاز سالاسى ءۇشىن («تسيحاي» شاندۋن مۇناي ينجەنەرلىك كومپانياسى) حيميالىق ونىمدەردى ءوندىرۋ, گەوفيزيكالىق جانە سەيسميكالىق-بارلاۋ جۇمىستارى ءۇشىن ەلەكتروندىق قۇرال-جابدىقتاردى شىعارۋ («سيان لۋحاي» گەوفيزيكالىق تەحنولوگيالار» كومپانياسى), بۇرعىلاۋ قۇرالدارىن (Dongying Weima Petroleum Drilling Tool) شىعارۋ سالاسىنداعى ينۆەستيتسيالىق جوبالاردى, سونىمەن قاتار, قۋاتتىلىعى تاۋلىگىنە 2,5 مىڭ توننا بولاتىن تسەمەنت زاۋىتىنىڭ (Sino-Harbor Construction Group گونكونگ كومپانياسى) قۇرىلىسىن جۇزەگە اسىرۋدى قاراستىرادى.
«سنپس-اقتوبەمۇنايگاز» اق باس ديرەكتورى ۆان تسزيۋنجەن وتانداستارىنا اقتوبە وبلىسى باسشىلىعىنىڭ شەتەلدىك ينۆەستورلارعا ۇلكەن قولداۋ كورسەتىپ وتىرعاندىعىن ايتتى.
سونداي-اق, بەيجىڭدە «نك «Kazakh Invest» اق جانىنان اقتوبە وبلىسىنىڭ ينۆەستيتسيالاردى تارتۋ جانە ەكسپورتتى دامىتۋ جونىندەگى وكىلدىگى اشىلدى.
«مەملەكەت باسشىسى نۇرسۇلتان نازارباەۆتىڭ ء«بىر بەلدەۋ, ءبىر جول» باستاماسىنا بايلانىستى باعدارلامانى قىتاي ەلىمەن بىرگە جۇزەگە اسىرۋ جونىندەگى تاپسىرماسى بار. سوندىقتان, قازاقستاننىڭ قحر-داعى ەلشىلىگىنىڭ قولداۋىمەن ءبىز «Kazakh Invest» ۇك» اق-مەن بىرگە ءوز وكىلدىگىمىزدى اشىپ وتىرمىز. ءبىزدىڭ ماقساتىمىز – قىتايلىق كاسىپكەرلەردى اقتوبە وبلىسىمەن جانە ونىڭ ينۆەستيتسيالىق مۇمكىندىكتەرىمەن تولىق ءارى جاقسىراق تانىستىرۋ, وڭىرگە ينۆەستيتسيا تارتۋ اۋقىمىن كەڭەيتۋ, سونىمەن قاتار, بىزدە وندىرىلەتىن ونىمدەردىڭ قىتايعا ەكسپورتتالۋىنا ىنتالاندىرۋ. ءبىز اتالمىش وكىلدىكتىڭ قىزمەتىنىڭ جۇزەگە اسىرىلۋىن قامتاماسىز ەتەمىز», دەدى بەردىبەك ساپارباەۆ.
تەمىر قۇسايىن
«ەگەمەن قازاقستان»
