5 قاراشا كۇنى كەشكى ساعات 21.00-دە دامبا اۋىلىنداعى جايىق وزەنىندە رەيدتىك ءىس-شارالار كەزىندە اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى تابيعاتتى قورعاۋ پروكۋراتۋراسىنىڭ باستاماسىمەن قۋاتى 200 اتتىق كۇشى بار «امۋر» موتورلى قايىعىن ۇستادى.
قايىقتا قۇرمانعازى اۋىلىنىڭ ەكى تۇرعىنى بولعان. قۇقىق بۇزۋشىلىق كەزىندە 667 كگ قارا بالىق پەن تىيىم سالىنعان قۇرالدار – قىتاي اۋى تابىلدى.
«قازىرگى ۋاقىتتا قۇقىق بۇزۋشىلار ۇستالىپ, بالىق تاركىلەندى.قازاقستان رەسپۋبليكاسىنىڭ قىلمىستىق كودەكسىنىڭ 335-بابى «بالىق رەسۋرستارىن, باسقا سۋ جانۋارلارىن نەمەسە وسىمدىكتەردى زاڭسىز اۋلاۋ» بويىنشا الدىن الا تەرگەۋ باستالدى», دەپ حابارلادى اتىراۋ وبلىسىنىڭ اۋماقتىق ورمان جانە جانۋارلار دۇنيەسى اۋماقتىق ينسپەكتسياسىنىڭ باسشىسى دانيار بايماعامبەتوۆ.
