قاسيەتتى كۇندەگى قۇتتىقتاۋ

اقپارات جانە بايلانىس ءمينيسترى اسقار جۇماعاليەۆ كەشە قاسيەتتى قۇربان ايت مەرەكەسىنە وراي «ەگەمەن قازاقستان» رەسپۋبليكالىق گازەتى» اكتسيونەرلىك قوعامى قونىس تەپكەن سەگىز قاباتتى جاڭا عيماراتقا ارنايى كەلدى. مينيستر بۇل كەلۋىندە گازەت ۇجى­مىن ايتۋلى مەرەكەمەن قۇتتىقتاي كەلىپتى. سونداي-اق, ا.جۇماعاليەۆ رەداكتسيا جۇمىسىمەن جاقىن تا­نىسۋعا مۇمكىندىك الدى. سوڭعى جىل­دارى مينيسترلىكتىڭ ەلىمىزدىڭ بۇ­قا­را­لىق اقپارات قۇرالدارىنىڭ زامان كوشىنەن قالماۋى باعىتىندا ءبىر­قا­تار شارۋالار اتقارىپ كەلە جاتقانى بەلگىلى. اسىرەسە, وتاندىق تەلەار­نا­لار­دىڭ ەفيرلىك كورسە­تىلىم­دەرىن سان­دىق فورماتقا كوشىرۋگە دەن قوي­ى­لۋدا. كەلەسى جىلدىڭ رەسپۋب­لي­كا­لىق بيۋدجەتىندە سالاعا قوماقتى قار­جىنىڭ ءبولىنۋى وسى ءسوزىمىزدىڭ ايعاعى بولسا كەرەك. قالاي دەسەك تە, بۇل ۇدەرىستەردەن وتاندىق باسى­لىم­دار دا شەتكەرى قالماسى انىق. تا­را­لىمى 170 مىڭنان اساتىن ەلىمىزدىڭ باستى باسىلىمى – «ەگەمەن قازاق­ستان» گازەتى تاۋەلسىزدىك العالى ەلىمىز جەتكەن جەتىستىكتەردى كەڭىنەن جا­زىپ كەلەدى. سوڭعى جىل­دارى  «ەگەمەن قازاقستان» رەسپۋب­ليكالىق گازەتى» اق ونىڭ باسشىسى  ساۋىتبەك اب­دراحمانوۆتىڭ جۇ­مىس­تى بىلىكتى ۇي­ىمداستىرۋى ارقاسىندا ايتار­لىق­تاي تابىستارعا قول جەتكىزگەندىگىن دە ورايى كەلگەندە ايتا كەتكەن ءجون. بايلانىس جانە اقپارات ءمينيسترى اسقار جۇماعاليەۆ جانە اتال­عان مي­نيسترلىكتىڭ اقپارات جانە مۇراعات كوميتەتىنىڭ توراعاسى بولات بەرسەباەۆ توقسان جىلدان استام تاريحى بار «ەگەمەن قازاقستان» گازەتى ۇجى­مىمەن جاقىنىراق تانى­سىپ, رەداك­تسيانىڭ جۇمىس ۇدەرىسىن ءوز كوزدە­رىمەن كوردى.  ۇلىق مەرەكە كۇنى رە­داكتسياعا كەلگەن مەيمان­دارعا ۇجىم باسشىلىعى قازىرگى زامان تالابىمەن سالىنعان رەداكتسيا عيماراتىن ارا­لاتىپ كورسەتتى.  رەداكتسيا ورنا­لاس­قان جاڭا عيمارات ەلباسى نۇرسۇلتان نازارباەۆتىڭ قولداۋىمەن تۇرعى­زىلعان. مينيستر  وسىنداي ءساندى دە جۇمىس ىستەۋگە قولايلى مەكەندە ور­نا­لاس­قان رەداكتسيانىڭ گازەت بەتتەرىن قاتتاۋ, تەرىم جانە حات-حابار­لاردى قابىلداۋ بولىمدەرىنە ارنايى باس سۇعىپ, ۇجىم قىز­مەت­كەرلەرىنىڭ حال-جاعدايلارىمەن تا­نىستى.  سون­داي-اق, مينيستر عيما­رات­تىڭ ۇستىڭگى قا­باتىندا ورىن تەپكەن كىتاپ­حا­نا­نى, جۋرناليستەردىڭ دەمالاتىن بولمە­لەرىن ارالاپ كور­گەننەن كەيىن, گازەتتىڭ ەلەكتروندى نۇسقاسىن داي­ىندايتىن شاعىن توپتىڭ جۇمى­سىنا دا نازار اۋداردى. وسى ورايدا مينيستر ەلباسىنىڭ تاپسىر­ما­سىنا وراي باسىلىمنىڭ ەلەك­تروندى نۇس­قاسىن بارىنشا جەتىلدىرۋ جايىن ءسوز ەتتى. بۇل باعىتتا جاسالاتىن بىرقاتار قادامدارعا بايلانىستى ءوزىنىڭ وي-پىكىرىن دە ور­تاعا سالدى. ۇجىمنىڭ تىنىس-تىرشىلىگىمەن جان-جاقتى تانىسۋعا مۇمكىندىك العان مەيماندار سوڭىنان «ەگەمەن قازاقستان» گازەتىنىڭ باسشىلىعى­مەن سالاداعى اتقارىلۋى ءتيىس مىندەتتەر مەن جەتىستىكتەر جايىن دا قوزعادى. مينيستر ەلىمىزدىڭ باس باسىلىمىنىڭ ۇجىمىندا قالىپ­تاسقان شىعارماشىلىق احۋالعا, جۇمىس ىستەۋ ءۇشىن ءتيىستى جاعداي­لاردىڭ جاسالعاندىعىنا ريزاشى­لىعىن ءبىلدىردى, گازەت باسشىسىن الپىس جاستىڭ اسقارىنا شىققان مەرەيلى مەرەيتويىمەن قۇت­تىقتادى. اسقار تۇراپباي ۇلى. ------------------------------- سۋرەتتى تۇسىرگەن ورىنباي بالمۇرات.