جەتىستىك تە, شەشىمىن تاپپاعان ماسەلە دە بارشىلىق

دەنساۋلىق ساقتاۋ ءمينيسترى س.قاي­ىربەكوۆا شىعىس قازاقستان وبلىسىندا بولىپ, «سالاماتتى قازاقستان» باع­دار­لاماسىنىڭ وڭىردە قالاي جۇزەگە اسىپ جاتقانىن كورىپ قايتتى. ول ەڭ الدىمەن وسكەمەندەگى ءبىر­قا­تار نىسانداردى ارالاپ, وبلىس باس­شى­سى بەردىبەك ساپارباەۆتىڭ توراعا­لى­عى­مەن وتكەن سەلەكتورلىق كەڭەسكە قا­تىستى. ماماندار ايماقتىڭ مەديتسينا سالاسىندا قوردالانىپ قالعان پروب­لەمالاردى قىزۋ تالقىلادى. مينيستر سونداي-اق, تۋبەركۋلەزگە قار­سى وبلىستىق ديسپانسەردە بولدى. ۆە­دومستۆو باسشىسىمەن كەزدەسۋگە اياگوز كەنتى مەن جاڭا قاناي اۋىلىنىڭ قۇرت اۋرۋىمەن كۇرەس بولىمشەلەرىنىڭ باس دارىگەرلەرى دە شاقىرتىلعان. بۇل ەكى مەكەمەنىڭ ابدەن توزىعى جەتكەن. كەزدەسۋدە جاڭا قانايداعى 250 ورىن­دىق تۋبەركۋلەز بولىمشەسىن كۇردەلى جوندەۋ قاجەتتىگى ايتىلدى. اياگوزدە دە وسىنداي جاعداي. ماماندار مينيسترگە تۋبەركۋلەزگە قارسى وبلىستىق ديسپان­سەر­دىڭ بۇگىنگى جاي-كۇيىن كورسەتتى. عي­ما­رات سانيتارلىق نورمالارعا ساي ەمەس. قيراۋدىڭ از-اق الدىندا تۇر. كەزدەسۋدە جالپى اۋرۋحانا قۇرىلىسىن قولعا الۋ ماسەلەسى دە ءسوز بولدى. شقو دەنساۋلىق ساقتاۋ باسقارماسىنىڭ باستىعى ەرلان ماساليموۆ بۇل جوبالارعا رەسپۋب­لي­كالىق بيۋدجەتتەن قارجى ءبولىنۋى قا­جەت­تىگىن اتاپ ءوتتى. بۇدان سوڭ مينيستر جەدەل جاردەم اۋرۋحاناسىنىڭ جاقىندا قايتا جاراق­تال­عان پەرزەنتحاناسىندا بولدى. جەدەل جاردەم اۋرۋحاناسىنا تيەسىلى بۇل عي­مارات سوناۋ 1956 جىلى سالىنعان. ول دا ەشبىر سانيتارلىق نورمالارعا ساي كەلمەيدى. جوندەۋدى قاجەت ەتەدى. مەدي­تسينالىق مەكەمەنىڭ اۆتوكولىك پاركىن دە جاڭارتۋ كەرەك. سونىمەن بىرگە, وبلىس ورتالىعىنداعى 300 ورىنعا ارنالعان كوپسالالى اۋرۋحانانىڭ قۇرىلىسىن دا جەدەلدەتۋ قاجەتتىگى ايتىلدى. ۆەدومستۆو باسشىسى سونداي-اق, ون­كو­لوگيالىق ديسپانسەردە, جاڭادان سا­لىنعان ساۋلە تەراپياسى جانە دياگنوستيكا ورتالىعىندا بولدى.  بۇدان سوڭ وبلىستىق اۋرۋحانادا جۇرگىزىلگەن ءجون­دەۋ جۇمىستارىن كورىپ, وسىنداعى كارديوحيرۋرگيا بولىمشەسىنىڭ جۇمىسىمەن تانىستى. سونداي-اق, ول قۇرىلىسى ۇزاق­قا سوزىلىپ كەتكەن قان قۇيۋ ورتا­لى­عىنىڭ بۇگىنگى جاي-كۇيىمەن دە تانىسىپ شىقتى. انا مەن بالا ورتالىعىندا انالار جانە سابيلەر پروبلەماسى تالقى­لان­دى. سوڭعى جىلدارى وسكەمەندە بالا تۋ كورسەتكىشى ءوسىپ كەلەدى. قازىر ءبۇلدىر­شىندەردىڭ قاراسى 51915-كە جەتتى. دەمەك, سابيلەرگە ارنالعان 200 ورىندىق بالالار اۋرۋحاناسىن سالۋعا زارۋلىك بار. ونىڭ جوباسى دايىن­دالىپ جاتىر. انا مەن بالا ورتالىعىندا ءوڭىر باس­شىسى بەردىبەك ساپارباەۆتىڭ توراعا­لىق ەتۋىمەن سەلەكتورلىق كەڭەس ءوتتى. جيىندا شىعىس وڭىردەگى دەنساۋلىق ساقتاۋ سالاسىنىڭ بۇگىنگى احۋالى مەن كەلەشەگى تالقىعا ءتۇستى. وسى ساپارى بارىسىندا مينيستر سەمەي قالاسىندا بولدى. وندا «وڭىرلىك ونكولوگيالىق ديسپانسەردىڭ, «رادياتسيالىق مەديتسينا جانە ەكولوگيا عىلىمي-زەرتتەۋ ينس­تيتۋتى» مەملەكەتتىك كوممۋنالدىق كا­سىپ­ورنىنىڭ, پەريناتالدىق ورتالىق­تىڭ جۇمىسىمەن تانىسقان ول مۇندا اتقارىلىپ جاتقان جۇمىستارعا وڭ باعا بەردى. ارينە, بۇل وڭىردە دە شەشىمىن تابۋعا ءتيىس ماسەلەلەر شاش-ەتەكتەن دەسەك, ونىڭ ءبارى سەمەي دياگنوستيكالىق ورتالىعىنىڭ كونفەرەنتسيا زالىندا قالا دارىگەرلەرىمەن وتكەن قورىتىندى كەزدەسۋدە كەڭىنەن ءسوز بولدى. وڭداسىن ەلۋباي. شىعىس قازاقستان وبلىسى.