ۇلتتىق ستاتيستيكا دەپارتامەنتى جۇرگىزگەن زەرتتەۋگە ساي, 2017 جىلعى قازاندا مەملەكەتتىڭ سالانىڭ قارىزى 500 ميلليارد فۋنتقا ءوسىپ, سەگىز ميللياردقا جەتكەن. ساراپشىلار ەلدەگى تاپشىلىق كولەمىنىڭ ۇلعايۋىن «برەكسيتپەن» بايلانىستىرادى. The Guardian باسىلىمى بيۋدجەتتەگى شىعىننىڭ ۇلعايۋى تۋرالى مالىمەتتىڭ ف.حەمموند ەسەبىمەن تۇسپا-تۇس كەلۋى جاعدايدىڭ قىزۋ تالقىلانۋىنا اكەلىپ سوقتى دەپ ەسەپتەيدى.
الداعى جىلدارعا جاسالعان جوسپار بويىنشا, قازىناشىلىق بىرقاتار وزگەرىستى جۇزەگە اسىرماق. ماسەلەن, بوس تۇرعان ۇيلەرگە سالىناتىن سالىقتى 100 پايىزعا دەيىن ۇلعايتۋ كوزدەلگەن. سونداي-اق «برەكسيتتى» اياقتاۋ ءۇشىن مەملەكەت قازىناسىنان 3 ميلليارد فۋنت ستەرلينگ بولىنەدى. ەڭ تومەنگى جالاقى مولشەرى ساعاتىنا 7,83 فۋنت ستەرلينگكە كوبەيەدى. بۇدان بولەك, جوسپاردا بىرقاتار جاڭالىقتار بار.
The Guardian گازەتى بيۋدجەتتى جوسپارلاۋ كەيبىرەۋلەرگە ءتيىمدى, كەلەسىلەر ءۇشىن قولايسىز بولعانىن ايتادى. باسىلىمنىڭ پىكىرىنشە, «برەكسيتتى» جوسپارلاۋشىلار, ءۇي ساتىپ الۋشىلار, مۇعالىمدەر سەكىلدى بىرقاتار سالا ماماندارى بيۋدجەت جوسپارىنىڭ قىزىعىن كورمەك. ەسەسىنە ءۇي سالۋشى كومپانيالاردىڭ ۇلەسى ايتارلىقتاي ازايماق. بيۋدجەت جوسپارىمەن تانىسىپ شىققان BBC ارناسى الداعى بىرنەشە جىلدا ۇلىبريتانيا حالقى ءۇشىن ءومىر ءسۇرۋ دەڭگەيى تومەندەيتىنىن ايتىپ وتىر. ويتكەنى جاڭا جوباعا ساي ەلدەگى دامۋ قارقىنى الداعى 5 جىلدا 2 پايىزدان اسپايدى.
شولۋدى ازىرلەگەن
اباي اسانكەلدى ۇلى,
«ەگەمەن قازاقستان»
