«گازەل» مەن تەپلوۆوز سوقتىعىسقان جول اپاتى ماڭعىستاۋ جول بولىگىنىڭ وزەن-بولاشاق تەمىرجول وتكەلىندە بولعان. «گازەل» كولىگىندە 36 جولاۋشى بولعان, دەپ جازادى inform.kz. تەپلوۆوز ءماشينيسى 60 كم/ساع جىلدامدىقپەن كەلە جاتىپ جولداعى اۆتوكولىكتى كورىپ تەجەگىشتى شۇعىل باسادى. الايدا, قارقىندى جىلدامدىقپەن كەلە جاتقان تەپلوۆوزدىڭ توقتاۋعا مۇمكىندىگى بولمايدى.
ماڭعىستاۋ وبلىستىق ءىىد ءباسپاسوز قىزمەتىنىڭ حابارلاۋىنشا, قازىر كوز جۇمعاندار مەن زارداپ شەككەندەردىڭ كىم ەكەندىگى انىقتالىپ جاتىر.
«قازىرگى تاڭدا قر قك 345-بابى بويىنشا سوتقا دەيىنگى تەرگەۋ امالدارى ءجۇرىپ جاتىر. تەرگەۋ مۇددەسىنە بايلانىستى باسقا اقپارات بەرە المايمىز», - دەدى وبلىستىق ءىىد ءباسپاسوز قىزمەتىنىڭ باسشىسى جازيرا ءابىل.
