بۇل ورايدا, وڭتۇستىك قازاقستان وبلىسىنىڭ اكىمى ج.تۇيمەباەۆ ازىق-ت ۇلىك تاۋارلارى باعالارىن تۇراقتاندىرۋ جانە تاۋار وندىرۋشىلەر مەن ديقاندارعا ءوز ونىمدەرىن ساۋدالاۋعا مۇمكىندىك بەرەتىن الەۋمەتتىك بازار اشۋ بويىنشا تاپسىرما بەرگەن بولاتىن. «RIC ON KO’RME» اتتى جارمەڭكەنىڭ جۇمىس ىستەي باستاۋى دا وسى تاپسىرمانىڭ ورىندالا باستاعانىن اڭعارتادى. اتالمىش جارمەڭكەنىڭ ەرەكشەلىگى – تەك قانا «وڭتۇستىك» ايماقتىق ينۆەستيتسيالىق ورتالىعى جانە «ىرىس» ميكروقارجى ۇيىمىارقىلى قارجىلاندىرىلعان تاۋار وندىرۋشىلەرى ءوز ونىمدەرىن نارىقتان تومەن باعادا ساتۋعا شىعارادى. ولار ءۇشىن ورىندار تەگىن بەرىلىپ, ساتۋشىعا دا, ساتىپ الۋشىعا دا بارلىق جاعداي جاسالۋدا. جارمەڭكەنىڭ ماقساتى دا ايقىن, ياعني اۋىلشارۋاشىلىعى تاۋارلارىن حالىققا ءوندىرۋشى باعاسىمەن تىكەلەي قولجەتىمدى ەتۋ, كاسىپكەرلەر, تۇتىنۋشىلار جانە كومپانيا اراسىنداعى ءۇش جاقتى بەيرەسمي قارىم-قاتىناستى نىعايتۋ جانە جاقىنداتۋ, قارجىلاندىرىلعان جوبالاردىڭ ونىمدەرىن تانىمدى بولۋىنا ىقپال جاساۋ جانە ولاردى ىلگەرىلەتۋ.
جارمەڭكەدە 35-40 شاقتى كاسىپكەر ءوز تاۋارلارىن نارىقتان تومەن باعامەن ساتىلىمعا شىعارادى. ولاردىڭ ىشىندە ازىق-ت ۇلىك: ەت جانە ءسۇت ونىمدەرى, بالىق جانە شۇجىق ونىمدەرى, جەمىس-جيدەك, كوكونىستەر كوپ. ودان بولەك, جەڭىل ونەركاسىپتىك تاۋارلار, قولدان جاسالعان بۇيىمدار, قۇرىلىس ماتەريالدارى, سونداي-اق بالالار ءۇشىن ويىنشىقتار دا بار. ەڭ باستىسى بۇلاردىڭ ءبارى وڭتۇستىكتە جاسالىنعان. «وڭتۇستىك» ايماقتىق ينۆەستيتسيالىق ورتالىعىنىڭ باسقارما توراعاسى قۋانىش بايتورە جانە «ىرىس» ميكروقارجى ۇيىمىنىڭ ديرەكتورى دانيار ارىنعازيننىڭ ايتۋىنشا, ەندى بۇل جارمەڭكە əر ەكى اپتادا ءبىر رەت وتكىزىلىپ تۇراتىن بولادى.
عالىمجان ەلشىباي,
«ەگەمەن قازاقستان».
