مالىمدەمەدە «قازاقستان 2017 جىلعى 24 قاراشادا مىسىردىڭ بير ءال-ابد قالاسىندا ءال-راۋدا مەشىتىندەگى جۇما ناماز كەزىندە ورىن العان جانە ەش كىناسىز بەيبىت حالىق اراسىندا كوپتەگەن ادامنىڭ ءومىرىن قيعانتەرروريستىك اكتىنى قاتاڭ ايىپتايدى. الەم تاعى دا تەرروريزم ارەكەتىنە كۋا بولدى, ونىڭ ۇيىمداستىرۋشىلارى مەن سۇيەمەلدەۋشىلەرى انىقتالىپ, قاتاڭ جازالانۋى ءتيىس» دەلىنگەن.
سىرتقى ىستەر مينيسترلىگى مىسىر ۇكىمەتىنە, قازا تاپقانداردىڭ وتباسى مەن تۋىستارىنا كوڭىل ايتىپ, جاراقات العانداردىڭ تەزىرەك ساۋىعىپ كەتۋىن تىلەگەن.
«قازاقستان تەرروريزمنىڭ كەزكەلگەن ءتۇرى مەن سيپاتىن ايىپتاي وتىرىپ, وسى جاۋىزدىق ارەكەتكە قارسى كۇرەسۋ ءۇشىن بۇۇ اياسىندا عالامدىق كونترتەرروريستىك كواليتسيا قۇرۋ ارقىلى الەم قاۋىمداستىعىنىڭ ۇجىمداسىپ,باتىل قيمىلداۋىن قۇپتايدى. ءبىز حالىقارالىق تەرروريزم جونىندەگى جالپىعا ورتاق كونۆەنتسيانى جەدەل تۇردە قابىلداۋعا شاقىرامىز», دەيدى ءسىم.
