ايتتان ايتقا امان جەتۋىمىزدى جازسىن, اعايىن!

قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ قۇربان ايت مەيرامىنا بايلانىستى قۇتتىقتاۋى قىمباتتى وتانداستار! بارشاڭىزدى ۇلىق مەرەكە – قۇربان ايت مەيرامىمەن شىن جۇرەكتەن قۇتتىق­تايمىن! بيىل ەل تاۋەلسىزدىگىنىڭ 20 جىلدى­عى­مەن ورايلاس كەلگەن مۇباراك مەرە­كە­نىڭ ور­نى بولەك. بۇل – ەلدىڭ بەرەكە-بىرلىگىن بەكەمدەيتىن, قاناعات پەن قايى­رىم­دى­لىق­تى ارتتىراتىن مەيرام. قۇر­بان شالۋ كىسىنى شۇكىرشىلىك پەن تاۋباعا, اماناتقا ادال­دىق پەن سەرتكە بەرىكتىككە شاقىرادى. يسلام ءدىنى بارلىق ىستە ساليقالىلىق پەن سابىرلىلىققا ۇندەيدى. ادامزاتتىڭ ىزگى قۇندىلىقتارىن ۋاعىزدايتىن اتا ءدىنىمىز شەكتەن شىعۋعا, وزگەگە قيانات جا­ساۋ­عا جول بەرمەيدى. ۇلىستى ۇيىس­تى­را­تىن وسى ۇلاعاتتى ءدىندى حالقىمىز ءوز ۇلتتىق داستۇرىمەن ۇيلەستىرىپ, عاسىرلار بويى بەكەم ۇستانىپ كەلەدى. ءداستۇرلى ءدىنىمىز تاۋەلسىزدىكپەن بىرگە تۇلەپ, حالقىمىزعا قايتىپ ورالدى. بۇگىندە بەيبىتشىلىك بەلدەۋىنە اينالعان قازاقستاندا يسلام ءدىنى كەڭىنەن قانات جايىپ كەلەدى. بيىل ەلىمىزدىڭ كۇللى مۇسىلمان الە­مىن­دە بەدەلى زور يسلام ىنتى­ماق­تاستىعى ۇيىمىنا باسشىلىق جاساپ وتىرۋى – سونىڭ ايقىن ايعاعى. ەندەشە, اللا تاعالا بارشامىزدىڭ ايتتان ايتقا امان جەتۋىمىزدى جازسىن, اعايىن! كەلەشەگىمىزدى كەمەل, ءجۇزىمىزدى جارقىن ەتسىن. ەلىمىز امان, جۇرتىمىز تىنىش, بىرلىگىمىز بەكەم, باۋىرىمىز ءبۇ­تىن بولسىن! قۇربان ايت مۇباراك بولسىن! استانا, اقوردا.