ايماقتار • 21 قاراشا، 2017

سقو-دا «رەسەي-قازاقستان – ماڭگى­لىك دوستىقتىڭ قوس قاناتى» اتتى فەس­تيۆا­ل ءوتتى

76 رەتكورسەتىلدى

«رەسەي-قازاقستان – ماڭگى­لىك دوستىقتىڭ قوس قاناتى» اتتى حالىقارالىق فەس­تيۆا­ل اياسىندا قالا تۇر­عىن­دارى يامال-نەنەتس اۆتو­نوميالىق وكرۋگىن قونىس­­تانعان حالىقتاردىڭ تۇر­مىس-تىرشىلىگىمەن، مادە­نيە­تىمەن جان-جاقتى تانىستى.

بۇگىندە اتالمىش وكرۋگتە جارتى ميلليونعا جۋىق حالىق تۇرسا، ۇشتەن ءبىرى نەنەتس، حانتى، سەلكۋپ سەكىلدى جەرگىلىكتى تۇرعىندار. ولار نەگىزىنەن بۇعى جانە بالىق شارۋاشىلىعىمەن اينالىسادى. سانىنىڭ ازدىعىنا قاراماستان سالت-داستۇرلەرىن، ادەت-عۇرىپ­تارىن بەرىك ۇستاناتىنىن شارا انىق بايقاتتى. ونىڭ اياسىندا ءسىبىردىڭ ۇساق ۇلتتارى جايلى دە­رە­كتى فيلمدەر كورسەتىلىپ، داس­­­تار­­قانعا ۇلتتىق تاعامدار قو­يىلدى.

دەلەگاتسيا جەتەكشىسى، وكرۋگ ۇكىمەتى باسشىسىنىڭ ورىنباسارى ەلەنا رۋدكوۆسكايانىڭ ايتۋىنشا، سولتۇستىك قازاقستان مەن يامال-نەنەتس اۆتونومياسى اراسىنداعى تۇراقتى بايلانىس 2011 جىلدان بەرى جالعاسىپ كەلەدى. وسى ارالىقتا ەكى تاراپ اراسىندا كوپتەگەن دوستىق، مادەني جوبالار جۇزەگە اسىرىلعان. دەلەگاتسيا مۇشەلەرىنىڭ ءبىرى كونستانتين ءيامزيننىڭ اكە-شەشەسى سانالى عۇمى­رىندا كوشپەلى ءومىر سالتىن ۇستا­نىپ، كەيىن بالالارىنا امانات­تاعان. ول بۇعى ءوسىرۋ كاسىبى­مەن شۇعىلدانىپ قانا قوي­ماي، ەسكى­لىكتى قۇندىلىقتاردى دا جا­نى­نا سەرىك ەتكەن. باقسى-شامان­دار­دان قالعان مۋزىكالىق اسپاپتى جاقسى مەڭگەرگەن. رەسەي­دىڭ قيان تۇكپىرىندە تۇرسا دا، وزىق جەتىس­تىك­تەردەن حابارى مول. ءسىبىر­دى سۋىق، سۇستى دەسەڭىزدەر قاتە­لە­سە­سىز­دەر. ءار جەردىڭ قايتالانبايتىن تابي­عاتى، وزىنە ءتان تىلسىم سىرلارى بولادى. يامال-نەنەتس – سونداي ايماق دەيدى ول جىلى جىميىپ.

جۇرتشىلىق نازارىنا بۇعى تەرىسىنەن تىگىلگەن نەشە ءتۇرلى بۇيىم­­دار دا ۇسىنىلدى. قاي-قاي­سى­­سى بولسىن كوزدىڭ جاۋىن الادى.

داستارقان مازىرىنە قاقتالعان بۇعى ەتى، شۇجىعى، بالىقتىڭ الۋان تۇرلەرى مەن ۋىلدىرىقتار قويى­لىپ، كوپشىلىك ءدام تاتتى.

رەسەيدىڭ الىس تۇكپىرىندە ورنا­لاس­قانىنا قاراماستان وكرۋگ­تىڭ وركەنيەت كوشىنە ىلەسىپ كەلە جاتقانى سۇيسىنتەدى. ورتالىعى سالەحارد مۇنايلى قالا سانالادى. باسقا دا پايدالى قازبالار وندىرىلەتىندىكتەن، ونىمدەرىنە دەگەن سۇرانىس جوعارى كورىنەدى.

حالىقارالىق بايقاۋ اياسىندا ۇيىمداستىرىلعان فوتوكور­مەلەردىڭ، كارتينالاردىڭ، ادەبي تۋىندىلاردىڭ دا تاعىلىمى مول بولدى. 

ءومىر ەسقالي،
«ەگەمەن قازاقستان»

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار