ونى بەكتۇرعانوۆتاردىڭ سۇرانىسىمەن قوستانايلىق سۋرەتشى يۋري نوۆوسەلوۆ سالدى. سەرىك بەكتۇرعانوۆ – سەناتور, ال ونىڭ اپاسى ريمما بەكتۇرعانوۆا پەداگوگيكا عىلىمدارىنىڭ دوكتورى, ءبىلىم سالاسىندا قىزمەت ىستەيدى. كوپ جىل قوستااني پەداگوگيكا كوللەدجىن باسقاردى, ودان كەينگى جىلدارى «نۇر وتان» پارتياسىنىڭ وبلىستىق فيليالىنا جەتەكشىلىك ەتتى. وبلىستا ء«بادريسافا» تاريحي-تاعىلىمدىق ەكسپەديتسياسىن قۇرعان دا ءوزى بولاتىن. وسى كارتينانى سالۋعا سۋرەتشىگە سۇرانىس بەرىپ, ونى ساتىپ الدى. سەرىك شىڭعىس ۇلى ەكەۋى اۋليەكول مۋزەيىنە سىيلاۋعا شەشىم جااساپتى.
پورترەتتىڭ تۇساۋكەسەرى الاش قوزعالىسىنىڭ 100 جىلدىعى مەن اۋليەكول اۋدانىنىڭ قۇرىلعانىنا 90 جىل تولۋىنا ارنالدى. شاراعا «نۇر وتان» پراتياسىنىڭ مۇشەلەرى, مادەنيەت قىزمەتكەرلەرى, زيالى قاۋىم وكىلدەرىقاتىستى.
«اۋليەكول احاڭ مەن ءبادريسافا شەشەمىزدىڭ جاستىعىنىڭ كۋاسى بولعان جەر. كارتينادا احاڭ مەن ءبادريسافا بەينەلەرى جاقسى كورسەتىلىپتى. بۇل جاس ۇرپاق ءۇشىن كەرەك تاعىلىم. سەرىك پەن ريمما بەكتۇرعانوۆتارعا راحمەت ايتامىز» دەدى ەڭبەك ارداگەرى, ء«بادريسافا» ەكسپەديتسياسىنىڭ مۇشەسى يبراگيم اعىتاي. اۋدان اكىمى جانسۇلتان تاۋكەنوۆ اۋداندىق مۋزەيگە تاپسىرعان كارتينا ءۇشىن بەكتۇرعانوۆتارعا راحمەت ايتتى.
ء«بادريسافا شەشەمىزدىڭ دەكابريستەر ايەلدەرىنەن ەشقانداي كەمىسى جوق. ول احاڭا اياعىنا دەيىن ادال بولدى, ول ءۇشىن وتقا دا ءتۇستى, شوققا دا كۇيدى. تاعدىردىڭ سالعانىنا قاسقيىپ قارسى تۇردى, بارىنە دە كوندى. ۇلت ۇستازى احمەت بايتۇرسىنوۆتىڭ شىعارمالارىمەن, قايراتكەرلىگىمەن قاتار, ونىڭ تاعدىرىن دا جاس ۇرپاق ءبىلىپ ءوسۋى ءتيىس. احاڭ مەن ءبادريسافانىڭ ماحابباتى, ولار باستان كەشكەن بەينەتتىڭ ءوزى جاس بۋىنعا رۋحاني ازىق بەرەدى» دەدى جانسۇلتان قوڭىرتاي ۇلى.
تۇساۋكەسەردەن كەيىن وبلىستىق ورىس دراما تەاترىنىڭ ۇجىمى احاڭ مەن ءبادريسافا تاعدىرىن كورسەتەتىن «اق كەلىن» سپەكتاكلىن قويدى.
ءنازيرا جارىمبەت
«ەگەمەن قازاقستان»
قوستاناي
