جيىندا ۇكىمەت باسشىسى مەملەكەت باسشىسىنىڭ تاپسىرماسىنا سايكەس كونستيتۋتسيانى ءتۇسىندىرۋ جونىندەگى كەشەندى جوسپار بەكىتىلگەنىن ەسكە سالدى. بۇگىندە بۇل باعىتتا ساراپشىلار مەن قوعام قايراتكەرلەرىنىڭ قاتىسۋىمەن كونستيتۋتسيانىڭ بارلىق جاڭاشىل نورمالارى بويىنشا اقپاراتتىق-ءتۇسىندىرۋ جۇمىستارى جۇرگىزىلىپ جاتىر.
«مەملەكەت باسشىسىنىڭ تاپسىرماسىنا سايكەس ۇكىمەت ەلىمىزدىڭ كونستيتۋتسياسىن ءتۇسىندىرۋ جونىندەگى ءىس-شارالار جوسپارىن بەكىتتى. قازىرگى تاڭدا ساراپشىلار مەن قوعام قايراتكەرلەرىنىڭ قاتىسۋىمەن كونستيتۋتسيانىڭ بارلىق نوۆەللالارى بويىنشا اقپاراتتىق-ءتۇسىندىرۋ جۇمىستارى جۇيەلى تۇردە جۇرگىزىلىپ جاتىر», دەدى ولجاس بەكتەنوۆ.
پرەمەر-مينيستر بىرقاتار مەملەكەتتىك ورگانعا ناقتى مىندەت جۇكتەدى. اتاپ ايتقاندا, مادەنيەت جانە اقپارات مينيسترلىگىنە ۋاكىلەتتى قۇرىلىمدارمەن بىرلەسىپ, اقپاراتتىق-ءتۇسىندىرۋ جۇمىستارىن جالعاستىرۋ تاپسىرىلدى.
ۇكىمەت جاڭا كونستيتۋتسيانى ءتۇسىندىرۋ جونىندەگى ءىس-شارالار جوسپارىن بەكىتتى
سونىمەن قاتار وقۋ-اعارتۋ مينيسترلىگى مەن عىلىم جانە جوعارى ءبىلىم مينيسترلىگىنە حالىقتىڭ قۇقىقتىق ساۋاتتىلىعىن ارتتىرۋعا ارنالعان كەشەندى باعدارلامانى ازىرلەۋ مىندەتى قويىلدى. بۇل باعدارلاما شەڭبەرىندە كونستيتۋتسيانىڭ جاڭا قاعيداتتارى ءبىلىم بەرۋ جۇيەسىنە ەنگىزىلۋى ءتيىس.
«وقۋ-اعارتۋ, عىلىم جانە جوعارى ءبىلىم مينيسترلىكتەرى حالىقتىڭ قۇقىقتىق ساۋاتتىلىعىن قالىپتاستىرۋ جونىندەگى كەشەندى باعدارلامانى ۋاقتىلى ازىرلەپ, كونستيتۋتسيانىڭ تىڭ قاعيداتتارىن مەكتەپتەر مەن كوللەدجدەردىڭ جانە ۋنيۆەرسيتەتتەردىڭ ۇلگىلىك وقۋ باعدارلامالارىنا ەنگىزۋدى قامتاماسىز ەتۋگە ءتيىس», دەدى ۇكىمەت باسشىسى.
جيىندا سونداي-اق قولدانىستاعى زاڭنامانى جاڭارتۋ ماسەلەسى دە كوتەرىلدى. پرەمەر-مينيستر جاڭا كونستيتۋتسيا تالاپتارىنا سايكەس بارلىق زاڭدار مەن باعدارلامالىق قۇجاتتاردى قايتا قاراۋ قاجەتتىگىن اتاپ ءوتتى.
«جاڭا كونستيتۋتسيا نورمالارىن ەسكەرە وتىرىپ, بەلگىلەنگەن مەرزىمدەردە قولدانىستاعى زاڭناماعا كەشەندى تالداۋ جۇرگىزىپ, بارلىق زاڭدار مەن باعدارلامالىق قۇجاتتاردى وزەكتەندىرۋ جۇمىستارىن اياقتاۋ قاجەت. بارلىق ورتالىق جانە جەرگىلىكتى اتقارۋشى مەملەكەتتىك ورگاندارعا ءىس-شارالار جوسپارىن جۇزەگە اسىرۋدى تاپسىرامىن», دەدى ولجاس بەكتەنوۆ.
وسىلايشا ۇكىمەت كونستيتۋتسيا نورمالارىن قوعامعا كەڭىنەن تۇسىندىرۋمەن قاتار, قۇقىقتىق مادەنيەتتى ارتتىرۋ جانە زاڭنامانى جاڭعىرتۋ جۇمىستارىن قاتار جۇرگىزۋدى كوزدەپ وتىر.
جاڭا كونستيتۋتسيا – جاستاردىڭ ەل دامۋىنا ناقتى ىقپال ەتۋ كەزەڭىن باستايدى
