قازاقستان اتىنان جەتى وقۋشى بەس عىلىمي جوبانى ۇسىنىپ, ەل نامىسىن قورعادى. بايقاۋ قورىتىندىسىندا تاراز قالاسىنداعى زياتكەرلىك مەكتەبىنىڭ 11-سىنىپ وقۋشىسى ارنۇر ارتىقباي ارنايى جۇلدەلەرمەن ماراپاتتالدى.
ورالدىق وقۋشىلار قانت ديابەتىنىڭ مولشەرىن تەكسەرەتىن قۇرىلعى ويلاپ تاپتى
ول «ماشينالىق وقىتۋ نەگىزىندە قاتەرلى ىسىكتەردى اۆتوماتتى تۇردە انىقتاۋ جۇيەسى» اتتى عىلىمي جوباسىمەن MAWHIBA Foundation قورىنىڭ 400 دوللار كولەمىندەگى اقشالاي سىيلىعىن جانە ساۋد ارابياسىنىڭ كورول فاحد اتىنداعى مۇناي جانە پايدالى قازبالار ۋنيۆەرسيتەتىنە (KFUPM) ءبىلىم بەرۋ گرانتىن يەلەندى. جوبا جاساندى ينتەللەكت تەحنولوگيالارىن پايدالانۋ ارقىلى قاتەرلى ىسىكتەردى ەرتە ءارى ءدال انىقتاۋعا باعىتتالعان.
19 ەلدىڭ ىشىنەن دارا شىقتى: قازاقستاندىق وقۋشىلار ليتۆادا وتكەن ءبىلىم بايگەسىندە توپ جاردى
Regeneron ISEF – مەكتەپ وقۋشىلارى اراسىنداعى الەمدەگى ەڭ ءىرى عىلىمي-ينجەنەرلىك كورمەلەردىڭ جەتەكشى الاڭى. بايقاۋدى حالىقارالىق ۇيىمدار مەن ءىرى تەحنولوگيالىق كومپانيالار قولدايدى. سولاردىڭ ءبىرى – MAWHIBA Foundation قورى. بۇل ۇيىم ساۋد ارابياسىنداعى دارىندى بالالار مەن جاس عالىمداردى قولداۋعا باعىتتالعان جانە عىلىم, تەحنولوگيا مەن يننوۆاتسيا سالالارىنداعى تالانتتاردىڭ حالىقارالىق دەڭگەيدە دامۋىنا مۇمكىندىك بەرەدى. قازاقستان بۇل دۇنيەجۇزىلىك بايقاۋعا 1999 جىلدان بەرى ۇلتتىق سەرىكتەس رەتىندە تۇراقتى قاتىسىپ كەلەدى.
