فوتو: gov.kz
سولتۇستىك وبلىستاردا جول جوندەۋ جۇمىستارى اۋا رايى جاعدايلارى تۇراقتالعاننان كەيىن باستالادى. بۇگىندە اتالعان وڭىرلەردە قۇرىلىس ماۋسىمىنا دايىندىق, ونىڭ ىشىندە قاجەتتى ماتەريالداردى دايىنداۋ, سونداي-اق تەحنيكا مەن پەرسونالدى موبيليزاتسيالاۋ جۇمىستارى اتقارىلىپ جاتىر.
2026 جىلى مەملەكەت باسشىسىنىڭ باستاماسىمەن رەسپۋبليكالىق ماڭىزى بار جولداردى ورتاشا جوندەۋ بويىنشا اۋقىمدى جوبا ىسكە اسىرىلىپ, جالپى 122 نىسان قامتىلادى. ونىڭ 73-ءى 2025 جىلدان وتپەلى نىساندار بولسا, تاعى 49-ى – جاڭا جوبالار.
بيىل اقتوبە وبلىسىندا 464 شاقىرىمنان استام جول جوندەۋدەن ءوتىپ, جاڭارتىلادى
«ورتاشا جوندەۋ باعىتتارى ەلدىڭ نەگىزگى كولىك دالىزدەرىن قامتيدى, سونىڭ ىشىندە جەزقازعان پەتروپاۆل, الماتى شەلەك قورعاس, اتىراۋ ورال, استانا ەرەيمەنتاۋ شىدەرتى جانە باسقا دا وڭىرلەردى ءوزارا ءارى كورشىلەس ەلدەرمەن بايلانىستىراتىن باعىتتار بار», دەلىنگەن مينيسترلىك حابارلاماسىندا.
باتىس قازاقستاندا جول جوندەۋگە بولىنگەن 56,5 ملن تەڭگە جىمقىرىلعان
سونىمەن قاتار 2026 جىلى 25 نىسانداعى كۇردەلى جۇمىستاردى اياقتاۋ جوسپارلانعان, ونىڭ 20-سى وتكەن جىلدان اۋىسىپ كەلە جاتقان نىساندار. بارلىق نىسان بويىنشا مەردىگەر ۇيىمدار انىقتالعان.
