كەزدەسۋگە قازاقستان رەسپۋبليكاسىنىڭ مادەنيەت جانە سپورت ۆيتسە-ءمينيسترى ا.رايىمقۇلوۆا, يۋنەسكو جانىنداعى قازاقستان رەسپۋبليكاسىنىڭ تۇراقتى وكىلدەرى, حالىقارالىق ساراپشىلار, سونداي-اق يۋنەسكو-نىڭ باسقا مەملەكەتتەردەن كەلگەن ماماندارى دا قاتىستى.
قازىرگى الەمدەگى جاعداي ءبىزدى مادەنيەتتەر مەن حالىقتار اراسىنداعى ۇنقاتىسۋ جولىندا جەدەل قيمىلداۋعا ءماجبۇر ەتەدى. مادەنيەتتەردى جاقىنداستىرۋدىڭ تۇجىرىمدامالىق نەگىزىن قۇرۋ ماڭىزدى حالىقارالىق باستامالاردى ىسكە اسىرۋسىز مۇمكىن ەمەس. وسىعان بايلانىستى قازاقستان رەسپۋبليكاسى مادەنيەت جانە سپورت مينيسترلىگى ۋاقتىلى شەشىم قابىلدادى جانە مادەنيەتتەردى جاقىنداستىرۋدىڭ حالىقارالىق ورتالىعىن قۇرۋ بويىنشا اۋقىمدى جۇمىس جۇرگىزدى.
ورتالىقتىڭ نەگىزگى باسىمدىقتارى ورتالىق ازيا ايماعىندا جانە جىبەك جولىندا عىلىمي زەرتتەۋلەر جۇرگىزۋگە, پراكتيكالىق الەۋەتىن قالىپتاستىرۋعا, حالىقارالىق قوعامداستىقپەن اقپارات الماسۋعا, ارىپتەستىك پەن ءوزارا ارەكەتتەستىكتى ورناتۋعا باعىتتالعان. «قازاقستان ءۇشىن بۇل ۇلكەن جەتىستىك. بۇل مارتەبەنى الۋ ءۇشىن بىرقاتار راسىمدەردى ءوتۋ كەرەك.
بىرىنشىدەن, ءبىر نەمەسە بىرنەشە مۇشە مەملەكەت مەكەمەنىڭ كانديداتۋراسىن ۇسىنادى. بۇل يۋنەسكو-نىڭ ۇلتتىق كوميسسيالارىنىڭ جاۋاپكەرشىلىگىندەگى قىزمەت. سودان كەيىن ءوتىنىش بەرۋشى مەكەمە يۋنەسكو اتقارۋ كەڭەسىنە ۇسىنىس دايىندايدى, ۇيىمنىڭ باس كونفەرەنتسياسىنىڭ كانديداتۋراسىن ۇسىنادى. باس كونفەرەنتسيا باستامانى قاراستىرادى جانە مارتەبەنى بەرۋ تۋرالى شەشىم قابىلدايدى», - دەدى مادەنيەت جانە سپورت ۆيتسە-ءمينيسترى اقتوتى رايىمقۇلوۆا.
