تۇزەتۋلەر ەلىمىزدىڭ 2017-2019 جىلدارعا ارنالعان ماكروەكونوميكالىق كورسەتكىشتەر بولجامىنىڭ وزگەرۋىنە جانە جىل باسىنان باستاپ سالىقتىق تۇسىمدەر قارقىنىن ناقتىلاۋعا بايلانىستى ازىرلەنگەن بولاتىن.
زاڭ جوباسى قازاقستاننىڭ ءۇشىنشى جاڭعىرۋىنىڭ مىندەتتەرىن ىسكە اسىرۋدى جالعاستىرۋعا, مەملەكەت قابىلدانعان مىندەتتەمەلەردى قامتاماسىز ەتۋگە باعىتتالعان.
ەلىمىزدىڭ ەكونوميكا سالاسىنداعى 9 ايداعى دامۋ قورىتىندىلارى مەن الەمدىك ەكونوميكانىڭ اعىمداعى احۋالىن ەسەپكە الا وتىرىپ, 2017 جىلعا ارنالعان ماكروەكونوميكالىق كورسەتكىشتەر بولجامى ناقتىلاندى. اعىمداعى جىلدىڭ باسىنان باستاپ ەكونوميكالىق بەلسەندىلىكتىڭ جاقسارۋىنا بايلانىستى ءجىو ناقتى ءوسىمى 2,5 پايىزدان 3,4 پايىزعا دەيىن ۇلعايۋ جاعىنا قاراي قايتا قارالدى.
ۇلتتىق بانكتىڭ بولجامى بويىنشا ينفلياتسيا بەكىتىلگەن 6,0-8,0 پايىز ارالىعىندا بولجانىپ وتىر. 2017 جىلعا ارنالعان رەسپۋبليكالىق بيۋدجەت كىرىستەرىنىڭ ناقتىلانعان بولجامى (ترانسفەرتتەر تۇسىمدەرىنسىز) 4 952,8 ملرد. تەڭگە سوماسىندا ايقىندالدى نەمەسە 60,8 ملرد. تەڭگەگە ۇلعايدى. 2017 جىلعا ارنالعان ترانسفەرتتەردىڭ تۇسىمدەرى 4,9 ملرد. تەڭگەگە ۇلعايا وتىرىپ, جالپى سوماسى 4 656,3 ملرد. تەڭگە كوزدەلۋدە.
2017 جىلعا ارنالعان رەسپۋبليكالىق بيۋدجەت شىعىستارى ناقتىلانعان بيۋدجەتپەن سالىستىرعاندا 1,0 ملرد. تەڭگەگە ۇلعايا وتىرىپ, 11 177,4 ملرد. تەڭگە سوماسىندا كوزدەلەدى.
بيۋدجەتتىڭ شىعىس بولىگى بويىنشا وزگەرىستەر: 1) مەملەكەت باسشىسىنىڭ تاپسىرمالارى مەن مەملەكەتتىڭ حالىقارالىق مىندەتتەمەلەرىن ىسكە اسىرۋعا; 2)ۇلتتىق قوردان بەرىلەتىن نىسانالى ترانسفەرت ەسەبىنەن جۇزەگە اسىرىلاتىن ءىس-شارالار اياسىندا شىعىستاردى قايتا باعىتتاۋعا; 3) باسقا جوبالار مەن باعدارلامالار اياسىندا شىعىستاردى قايتا باعىتتاۋعا ارنالعان.
2017 جىلعا ارنالعان رەسپۋبليكالىق بيۋدجەت تاپشىلىعى 62,0 ملرد. تەڭگەگە ازايتىلدى جانە 1 485,9 ملرد. تەڭگەنى نەمەسە ءجىو باعامىنىڭ
2,9 پايىزىن قۇرايدى.
باستى قارجى قۇجاتىنا تۇزەتۋلەر ەنگىزۋ جان-جاقتى تالقىلاندى. سەناتورلار: M.تاعىموۆ, د.ادىلبەكوۆ, ت.مۇساباەۆ, ە.سۇلتانوۆ, س.بەكتۇرعانوۆ, ب.ەلامانوۆ, ۆ.ۆولكوۆ, ب.شەلپەكوۆ, د.كالەتاەۆ بيۋدجەت سالاسىن جەتىلدىرۋ, مەملەكەتتىك اكتيۆتەردى باسقارۋدى جاقسارتۋ, سالىقتىق اكىمشىلەندىرۋدىڭ تيىمدىلىگىن ارتتىرۋ, مەملەكەتتىك-جەكە مەنشىك ارىپتەستىكتى دامىتۋ, ينۆەستيتسيا تارتۋ, مەملەكەتتىك قاراجات ەسەبىنەن بانك سەكتورىنىڭ احۋالىن جاقسارتۋ ماسەلەلەرىن كوتەردى.
سەناتور ەربولات مۇقاەۆ ۇلتتىق بانكتىڭ نازارىن بانك سەكتورىنىڭ تۇراقتىلىعى ماسەلەسىنە اۋداردى. «ساراپشىلىق دەرەكتەرگە سايكەس, 2016 جىلدىڭ سوڭىندا «بايتەرەك» حولدينگى كازينۆەستبانككە 21,1 ملرد تەڭگە, ال, دەلتا بانككە 60,3 ملرد. تەڭگە ورنالاستىرعان. سونىمەن قاتار, بجزق-نىڭ ايتارلىقتاي قاراجاتى وسى ەكى بانككە: دەلتا بانككە 45,2 ملرد. تەڭگە جانە كازينۆەستبانككە - 2,9 ملرد. تەڭگە سالىنعان, - دەدى E.مۇقاەۆ. سەناتور ازاماتتاردىڭ ربك بانكىندەگى جيناق اقشاسىن قورعاۋ شارالارىنا دا باسا نازار اۋداردى. قارجىلىق تۇراقتىلىقتى ارتتىرۋ باعدارلاماسىنىڭ اياسىندا ونى تۇراقتاندىرۋعا 240 ملرد. تەڭگە ءبولىندى. سونىمەن قاتار, ربك بانكىنىڭ 600 ميلليارد تەڭگە سوماسىنداعى پروبلەمالى پورتفەلى, بۇل ماسەلەنى ەرەكشە تارتىپپەن شەشۋ ءۇشىن جەكە مامانداندىرىلعان كومپانياعا بەرىلەتىن بولادى. سونىمەن قاتار, ينۆەستور (قازاقمىس كورپوراتسياسى) ەسەبىنەن بانكتى 160 ملرد. تەڭگە كولەمىندە قوسىمشا كاپيتالداندىرۋدى جۇزەگە اسىرۋ جوسپارلانىپ وتىر. دەپۋتات بانك سەكتورىن مەملەكەتتىڭ ەسەبىنەن جاقسارتۋ ۇردىسكە اينالىپ بارا جاتقانىنا الاڭداۋشىلىق ءبىلدىردى.
«بيىلعى جىلى بانك سەكتورى احۋالىن جاقسارتۋ ءۇشىن, اتاپ ايتقاندا قازكوممەرتسبانكتەن بتا-نىڭ پروبلەمالىق نەسيەلەرىن ساتىپ الۋ ءۇشىن رەسپۋبليكالىق بيۋدجەتتەن ۇلتتىق قور ەسەبىنەن 2,1 ترلن. تەڭگە قاراجات ءبولىندى. بۇل رەسپۋبليكالىق بيۋدجەت كىرىستەرىنىڭ تورتتەن ءبىر بولىگىن قۇرايدى», - دەدى سەناتور. ۇلتتىق رەتتەۋشiگە بانكتەردىڭ احۋالىن جاقسارتۋ مودەلiن قۇرۋعا ەمەس, بiرiنشi كەزەكتە تاۋەكەلدi باعالاۋدىڭ, مۇنداي جاعدايلاردىڭ الدىن-الۋ ۇلگiسiنە نازار اۋدارۋى ءتيىس», دەپ سانايدى ە.مۇقاەۆ.
سەناتورلار قازاقستان ۇكىمەتى مەن ازىق-ت ۇلىك قاۋىپسىزدىگى جونىندەگى يسلام ۇيىمى اراسىنداعى كەلىسىمدى راتيفيكاتسيالادى.
2017 جىلعى 2 مامىردا استانا قالاسىندا جاسالعان كەلىسىم قازاقستاندا ازىق-ت ۇلىك قاۋىپسىزدىگى جونىندەگى يسلام ۇيىمىنىڭ (اقيۇ) شتاب-پاتەرىن اشۋدى كوزدەيدى.
قازاقستان رەسپۋبليكاسىندا اقيۇ-نىڭ شتاب-پاتەرىن قۇرۋ يسلام ىنتىماقتاستىق ۇيىمى شەڭبەرىندەگى ىنتىماقتاستىقتى نىعايتادى جانە ۇيىمنىڭ حالىقارالىق, وڭىرلىك جانە سۋبوڭىرلىك باستامالارىنا قازاقستاننىڭ تارتىلۋىن كۇشەيتەدى.
قازاقستاندا اقيۇ-نىڭ شتاب-پاتەرىن اشۋ ءۇشىن رەسپۋبليكالىق بيۋدجەتتە: 2017 – 2019 جىلدارعا ارنالعان قازاقستان رەسپۋبليكاسى سىرتقى ىستەر مينيسترلىگىنىڭ بيۋدجەتتىك باعدارلاماسى بويىنشا قازاقستان رەسپۋبليكاسىنىڭ اقيۇ-عا ەرىكتى جارناسى جىل سايىن 247204 مىڭ تەڭگە (749103 اقش دوللارى); اۋىل شارۋاشىلىعى مينيسترلىگىنىڭ
بيۋدجەتتىك باعدارلاماسى بويىنشا 2018 جىلدان باستاپ جىل سايىن 39600 مىڭ تەڭگە سوماسىندا وفيستىك ءۇي-جايدى جالعا الۋ شىعىستارى كوزدەلگەن.
وتىرىس بارىسىندا سەناتورلار: سارسەنباي ەڭسەگەنوۆتىڭ - ديزەل جانارمايى جاعدايىن تۇراقتاندىرۋ جونىندە شارالار قابىلداۋ قاجەتتىگى تۋرالى; ءالي بەكتاەۆتىڭ - وتباسى جانە وتباسىلىق قۇندىلىقتاردى نىعايتۋ جونىندەگى كەشەندى شارالاردى قابىلداۋ قاجەتتىلىگى تۋرالى; ءالىمجان قۇرتاەۆتىڭ - قونىس اۋدارۋ باعدارلاماسىن ءتيىمدى ەنگىزۋ ماقساتىندا ەلدىڭ جۇمىس كۇشى ارتىق ايماقتارىنان جۇمىس كۇشى جەتىسپەيتىن ايماقتارىنا ەرىكتى كوشىپ كەلۋشىلەرگە ارنالعان الەۋمەتتىك پاكەتتىڭ ءتىزىمىن كەڭەيتۋگە قاتىستى دەپۋتاتتىق ساۋالدارى جاريا ەتىلدى.
