وندا قازاقستان پرەزيدەنتى بالمۇزداق پەن اشىتىلعان سۇتتەن جاسالعان ونىمدەردى كورىپ, ولاردى ءوندىرۋدىڭ تەحنولوگيالىق ۇدەرىسىمەن تانىستى.
سونىمەن قاتار, مەملەكەت باسشىسى وبلىستاعى اۋىل شارۋاشىلىعى كاسىپورىندارى جەتەكشىلەرىمەن اڭگىمەلەستى.
ەلباسى ءوڭىردىڭ الەۋمەتتىك-ەكونوميكالىق دامۋ كورسەتكىشتەرى, سونىڭ ىشىندە ونەركاسىپ پەن اۋىل شارۋاشىلىعى سالاسىنىڭ ءوسىپ كەلە جاتقانىن اتاپ ءوتتى.
– سوڭعى ۋاقىتتا وبلىستا, اسىرەسە الەۋمەتتىك سالادا كوپ جۇمىس اتقارىلۋدا. سپورت كەشەندەرى, ويىن-ساۋىق جانە ساۋدا ورتالىقتارى سالىنىپ جاتىر. ونەركاسىپ كولەمى ارتۋدا, وبلىس اگرارلىق-ونەركاسىپتىك وڭىرگە اينالىپ كەلەدى, – دەدى نۇرسۇلتان نازارباەۆ.
قازاقستان پرەزيدەنتى ەلىمىزدىڭ زاماناۋي كولىك ينفراقۇرىلىمىن قالىپتاستىرۋ اياسىندا وبلىس ەكونوميكاسى ءۇشىن جولدار جەلىسىن دامىتۋدىڭ ماڭىزدى ەكەنىن ايتتى.
– جول دەگەنىمىز – ءومىر. زاماناۋي جولداردىڭ سالىنۋى ەكونوميكانى دامىتىپ, ءونىمىمىزدىڭ باعاسىن ارزانداتۋعا جانە ونىڭ باسەكەگە قابىلەتتىگىن ارتتىرۋعا سەپتىگىن تيگىزۋگە ءتيىس, – دەدى مەملەكەت باسشىسى.
سونداي-اق, ەلباسى اگروونەركاسىپ كەشەنىن دامىتۋدا عىلىمدى, عىلىمي جەتىستىكتەردى پايدالانۋدىڭ ماڭىزدىلىعىن ەرەكشە اتاپ ءوتتى.
– عىلىم اۋىل شارۋاشىلىعىندا كوپ ماسەلەنى شەشەدى. قازاقستاندا ءۇش اگرارلىق ۋنيۆەرسيتەت بار, ولاردىڭ ارقايسىنىڭ ءوز باعىتى بار. سىزدەر عىلىمنان اۋىل شارۋاشىلىعى ءۇشىن قاجەتتىنى تالاپ ەتۋگە تيىسسىزدەر, – دەدى نۇرسۇلتان نازارباەۆ.
كەزدەسۋ سوڭىندا وبلىس ەڭبەككەرلەرى قازاقستان پرەزيدەنتىنە اۋىل شارۋاشىلىعى سالاسىنا مەملەكەت تاراپىنان كورسەتىلىپ جاتقان قولداۋ ءۇشىن العىس ءبىلدىردى.
