«ورداباسى تاۋى – حالىق كەلىپ رۋحاني تىنىعاتىن, رۋح جينايتىن, ويىن تازارتاتىن ورىن بولۋى كەرەك. سالۋعا ءتيىستى ەسكەرتكىشتىڭ دە ەڭسەلى بولۋى قاجەت. سونىمەن قاتار, اشىق اسپان استىنداعى امفيتەاتر بولۋى ءتيىس. كەلۋشى تۋريستەرگە دە جاعداي جاساپ, ارنايى ەستەلىك سىيلىقتار ساتاتىن دۇكەندەر اشۋ كەرەك. بولاشاقتا حالىقتىڭ مۇندا كەڭ دالانى تاماشالاپ, تازا اۋامەن تىنىستاپ, دەمالىپ قايتقانى دۇرىس بولار ەدى. حالقىمىزدىڭ جاراتىلىسىندا كەڭ دالا ەرەكشە ماڭىزعا يە ەكەندىگىن بىلەسىزدەر. سوندىقتان دا وسىنداي دالاعا جانە بيىكتىككە شىققاندا جانىمىز ايرىقشى جىگەرلەنىپ, رۋxتانىپ كەتەدى. بۇل ۇلتىمىزدىڭ ەرەكشەلەۋ بولمىسىن قايتا تۇلەتۋ ءۇشىن قاسيەتتى ورداباسى تاۋىن وسىنداي رۋx الاتىن ورىنعا اينالدىرعانىمىز ابزال بولار ەدى" - دەدى جانسەيىت قانسەيىت ۇلى.
كوپكە ءمالىم ورداباسى – «اقتابان شۇبىرىندى, القاكول سۇلامادان» كەيىن قازاق حالقى قايتا ەڭسەسىن تىكتەپ, جاۋعا قارسى اتتانعان جەرى. ورداباسىداعى بىرلىكتوبە 18-عاسىردا ءۇش ءبيدىڭ باستاماسىمەن ءۇش ءجۇزدىڭ باسى قوسىلىپ, جوڭعار شاپقىنشىلارىنا قارسى كۇش بىرىكتىرۋگە ۇندەگەن جەر.
سونداي-اق, وبلىس اكىمى 1993 جىلى ەلباسى نۇرسۇلتان نازارباەۆتىڭ ورداباسىدا تۇركى تىلدەس ءۇش ەلدىڭ باسشىلارىنىڭ باسىن قوسقانىن ايتتى. ايتا كەتەرلىگى, الداعى جىلى بۇل داتاعا 25 جىل تولادى. بۇدان بولەك, ءوڭىر باسشىسى 1 مىڭ گەكتار اۋماقتى الىپ جاتقان قاستەرلى جەردىڭ كىرە بەرىسىنە جول مەن دەمالىس ورىندارى, ءدامحانالار سالىناتىنىن اتاپ ءوتتى. سونىمەن قاتار, ءتيىستى باسقارما باسشىلارىنا اتالعان جوبالار 2018 جىلى تولىق اياقتالۋى قاجەتتىگىن تاپسىردى.
