ەسكە سالا كەتەيىك, ەكراندىق تۋىندىنىڭ رەجيسسەرى ءارى ستسەناري اۆتورى – قازاقستاننىڭ حالىق ءارتىسى, قازاق كينەماتوگرافياسى «جاڭا تولقىنىنىڭ» بەلگىلى وكىلى – تالعات تەمەنوۆ. «ادامدار اراسىنداعى بولتىرىك», «قىزعىش قۇس», «ماحاببات بەكەتى» سىندى كوپشىلىككە تانىمال فيلمدەرىمەن كورەرمەن سۇيىسپەنشىلىگىنە يە ت.تەمەنوۆتىڭ جاڭا كينوتۋىندىسى جالعىزدىقتىڭ كۇيىن كەشىپ جۇرگەن بالالار ءۇيىنىڭ 6 جاسار تاربيەلەنۋشىسى مەن قارتتار ءۇيىنىڭ ارداگەرى اراسىنداعى دوستىق بايلانىس تۋرالى باياندايدى.
ايتا كەتەتىن جايت, ء«بىزدىڭ قالانىڭ حانزاداسى» ءفيلمىنىڭ تۇساۋكەسەرى (جۇمىس اتاۋى «بيبول») بيىل 1 ماۋسىم – حالىقارالىق بالالاردى قورعاۋ كۇنىنە وراي استانا قالاسىندا وتكەن بولاتىن. سونىمەن قاتار اتالمىش كينوتۋىندى قىركۇيەك ايىندا رەسەيدە وتكەن ءىى حالىقارالىق «ەۋرازيالىق كوپىر» كينوفەستيۆالىنىڭ نەگىزگى باعدارلاماسى شەڭبەرىندە كورسەتىلگەن ەدى.
ءفيلمنىڭ نەگىزگى ءتۇسىرىلىمى استانادا جانە اقمولا وبلىسىنىڭ بۋراباي اۋىلىندا ءوتتى. باستى رولدەردى ءانۋار تولەۋعاجى مەن قازاقستاننىڭ ەڭبەك سىڭىرگەن قايراتكەرى تولەۋبەك ارالباي («جاۋجۇرەك مىڭ بالا», «جويۋشى», «تىعىرىقتان جول تاپقان») سومدايدى. سونىمەن قاتار فيلمگە ق.قۋانىشباەۆ اتىنداعى مۋزىكالى دراما تەاترىنىڭ اكتەرلەرى قاتىسقانى ءمالىم.
ء«بىزدىڭ قالانىڭ حانزاداسى» ءفيلمىن ەندى ەلىمىز كينوتەاترلارىنان تاماشالاۋعا مۇمكىندىك تۋىپ وتىر.
قارشىعا كۇلەن
