بىرىنشىدەن, «رۋحاني جاڭعىرۋ» باعدارلاماسىنا سايكەس, ەلىمىزدىڭ وزەن-كولدەرىنە ارنايى ساياحات جاساپ, ولاردىڭ تاريحىن تەرەڭىرەك تانۋ ارقىلى ۇلتتىق بولمىسىمىزدى جاڭعىرتۋ. ەكىنشىدەن, كوميتەتكە قاراستى سۋ رەسۋرستارى نىساندارىنىڭ جۇمىسىن əلەۋمەتكە ناسيحاتتاۋ.
«ەستەرىڭىزدە بولسا, ەلباسى ن. ءا. نازارباەۆ «رۋحاني جاڭعىرۋ – بولاشاققا باعدار» اتتى ماقالاسىندا «تۋعان جەردىڭ ءاربىر سايى مەن قىرقاسى, تاۋى مەن وزەنى تاريحتان سىر شەرتەدى. ءاربىر جەر اتاۋىنىڭ توركىنى تۋرالى تالاي-تالاي اڭىزدار مەن اڭگىمەلەر بار. وسىنىڭ ءبارىن جاس ۇرپاق ءبىلىپ وسۋگە ءتيىس» دەگەن ەدى. وتكىزگەلى وتىرعان جوبامىز وسىدان باستاۋ الادى. سۋ رەسۋرستارى – مەملەكەتتىڭ ماڭىزدى ستراتەگيالىق رەسۋرستارىنىڭ ءبىرى سانالادى. ەلىمىزدىڭ ەكونوميكالىق مۇمكىندىكتەرىنىڭ ارتۋىمەن ءبىز ەل قاۋىپسىزدىگىنە تىكەلەي قاتىسى بار سۋ رەسۋرستارىن رەتتەۋ, ستراتەگيالىق ماڭىزدى سۋ نىساندارىنىڭ قۇرىلىسىن جاڭعىرتۋ مەن جاڭا وبەكتىلەردى تۇرعىزۋ جۇمىستارىن جۇرگىزە الدىق. اتالعان اۋقىمدى ىستەردە سۋ رەسۋرستارى كوميتەتى مەن وعان قاراستى ۇيىمداردىڭ قوماقتى ۇلەسى وراسان», - دەيدى سۋ رەسۋرستارى كوميتەتىنە قاراستى «قازسۋشار» رمك-ءنىڭ ءباسپاسوز حاتشىسى ازامات بايعالي ۇلى.
جوباعا ەلىمىزگە بەلگىلى بۇقارالىق اقپارات قۇرالدارىنىڭ وكىلدەرى, تەلەۆيزيا مەن ينتەرنەت-جۋرناليستيكانىڭ تانىمال وكىلدەرى تارتىلىپ وتىر. ولار – «حابار» اگەنتتىگى ينتەرنەت ديرەكتسياسى ديرەكتورىنىڭ ورىنباسارى, بەلگىلى ينتەرنەت-ساراپشى وركەن كەنجەبەك, كاسىبي فوتوگراف, جۋرناليست, «قازكونتەنت» ينتەرنەت-ارناسىنىڭ ۇيلەستىرۋشىسى ماكسيم روجين, «دارىن» مەملەكەتتىك جاستار سىيلىعىنىڭ لاۋرەاتى, «بولاشاق» باعدارلاماسىنىڭ ستيپەندياتى راحات جاقسىباي, بەلگىلى بلوگەر, ينتەرنەت-ساراپشى ياكوۆ فەدوروۆ جəنە ۆaq.kz اقپاراتتىق پورتالىنىڭ باس رەداكتورى ەرجان ءابدىرامان.
وسى توپ ەكى كۇن بويى وڭتۇستىكتەگى ونداعان سۋ نىساندارى مەن وزەن-كولدەردى ساياحاتتاپ, سۋ ماماندارىمەن سۇحباتتاسىپ, الەۋمەتتىك جەلى مەن اقپارات قۇرالدارىندا كورگەن-بىلگەنىن ءبولىسىپ وتىرماق.
