- ەڭ ءبىرىنشى ويىنشىلارىما العىس بىلدىرىگىم كەلەدى. بۇل جەڭىس «قايرات» جانكۇيەرلەرىنىڭ دە جەڭىسى. ەندى ماتچقا كەلەر بولساق, ەكىنشى تايمدا كوبىرەك قاۋىپ تۋدىراتىنىمىزعا ىشتەي سەنىمدى ەدىك. «استانا» ساناۋلى كۇننىڭ ىشىندە بىرنەشە ويىن وتكىزدى. بۇگىن ەكىنشى تايمدا «استاناعا» قيىن بولاتىنىن تۇسىندىك, سەبەبى ولار شارشاڭقىلاۋ بولدى. سونداي-اق, چۋما انەنەنى جىبەرىپ ولارعا ءبىراز قيىندىق تۋدىراتىنىمىزعا سەنىمدى بولدىق. العاشقى تايمدا ەكى كوماندادا ايتارلىقتاي مۇمكىندىك بولمادى. ويىنشىلاردىڭ ءبارىنىڭ ويىنىنا كوڭىلىم تولادى. جاستارىمىز دا جاقسى قىرىنان كورىندى. ولار نەگىزگى قۇراممەن ويناپ, ۇلكەن تاجىريبە جيناپ جۇرگەنىن ەرەكشە اتاپ وتكەن ءجون. سوڭعى ءۇش ايدا ءبىز ءبارىن وزگەرتتىك. جاتتىعۋىمىز دا وگەردى, بۇل سونىڭ ناتيجەسى دەپ ايتار ەدىم. ەندى سوڭعى تۋردا ءبارى بەلگىلى بولادى. ءبىز ازىرگە ءوز جۇمىسىمىزدى ورىندادىق. ارينە, سوڭعى ويىنىمىزدى دا جەڭىسپەن اياقتاۋعا تىرىسامىز.
- بۇگىنگى جەڭىستەن كەيىنگى چەمپيوندىققا دەگەن مۇمكىندىكتەرىڭىزدى قالاي باعالار ەدىڭىز؟
- چەمپيوندىقتىڭ تاعدىرى ءبىزدىڭ قولىمىزدا ەمەس. ءبىزدىڭ باستى – مىندەتىمىز جەڭىسكە جەتىپ, «استانا» مەن «اقجايىقتىڭ» ناتيجەسىن كۇتۋ.
- العاشقى تايمدا امالسىزدان ويىنشىڭىزدى الماستىردىڭىز...
- بۇل شەشىمىمىزگە ازداپ كۇمانىمىز بولدى. ءبارىن وزگەرتىپ چۋمانى سول كەزدە-اق شىعارۋىمىزعا بولاتىن ەدى. بىراق جۇيەمىزدى وزگەرتكىمىز كەلمەدى. ويىن جۇيەسىن وزگەرتپەس ءۇشىن ءدال وسى پوزيتسيادا وينايتىن ايبول ابيكەندى شىعارۋدى ءجون كوردىك. ابيكەن ءۇمىتىمىزدى اقتادى دەپ سەنىممەن ايتا الامىن.
- نە ءۇشىن باۋىرجان تۇرىسبەكتى ەمەس چۋما انەنەنى شىعارۋدى ءجون كوردىڭىز؟ چۋما ءجۇز پايىزدىق ەكى ءساتتى جىبەرىپ الدى.
- چۋما مۇنداي كەزدە كوبىرەك اشىلىپ, ءوزىن جاقسى قىرىنان كورسەتەدى. ول الاڭنىڭ اشىق تۇسىن كورسە بولدى سول جەردەن تابىلىپ, شابۋىلىمىزعا دەم بەرەدى. ال تۇرىسبەكتىڭ ويىن مانەرى ءسال وزگەشەلەۋ. ول الاڭدا كەڭىستىك بولماسا دا جوعارى دەڭگەيدە ويناي الادى. بىراق چۋمانىڭ بۇل كەزدە كومەگى كوبىرەك تيەر دەپ ويلادىم.
- «اقتوبە» سىزدەرگە ايتارلىقتاي قيىندىق تۋدىرادى دەپ ايتا المايمىن. فۋتبولدا قارسىلاسىڭدى ىنتالاندىرۋعا تىيىم سالمايدى. «اقجايىق» ءوز كەزەگىندە «استاناعا» ەسە جىبەرمەس ءۇشىن قانداي قادامعا باراسىزدار؟
- مەنىڭ باستى جۇمىسىم – ءوز ويىنشىلارىمدى ىنتالاندىرۋ. ءبىز «اقتوبەنى» جەڭۋدى ويلايمىز. ءسىزدىڭ نە سۇراعىڭىز كەلگەنىن تۇسىنبەدىم. بىراق «اقجايىق» تا, «اقتوبەدە» ءوز ويىندارىن جەڭۋگە تىرىسادى دەپ ويلايمىن. ەگەر چەمپيوندىق اتاقتى جىبەرىپ الساق, «استانانى» قۇتتىقتاۋدان باسقا امالىمىز قالمايدى.
- ماۋسىم باسىنان «قايراتقا» جەتەكشىلىك ەتسەڭىز كوماندانى چەمپيون ەتەر ەدىم دەپ ويلايسىز با؟
- ول تۋرالى ەشنارسە ايتا المايمىن. فۋتبولدا نە بولارىن ناقتى بولجاۋ مۇمكىن ەمەس. ال قازىر ەڭ باستىسى – ءبىز جارىس جولىندامىز. چەمپيوننىڭ كىم بولارى ازىرگە بەلگىسىز.
ايان ءابدۋالي,
«ەگەمەن قازاقستان»
