رەسەي دەلەگاتسياسىنا رف پرەزيدەنتىنىڭ سيريا جونىندەگى ارنايى وكىلى الەكساندر لاۆرەنتەۆ, تۇركيا دەلەگاتسياسىنا سىرتقى ىستەر ءمينيسترىنىڭ ورىنباسارى سەدات ونال, يران دەلەگاتسياسىنا سىرتقى ىستەر ءمينيسترىنىڭ ورىنباسارى حۋسەين دجابەري انساري باسشىلىق ەتەدى.
«الداعى كەزدەسۋگە سيريا ۇكىمەتىنىڭ جانە سيريالىق وپپوزيتسيانىڭ, سونداي-اق بايقاۋشى رەتىندە بۇۇ, اقش جانە يوردانيانىڭ وكىلدەرى قاتىسادى. ءىس-شارانىڭ باستالۋىنا ءبىر كۇن دەيىن كەپىلگەر-ەلدەردىڭ وكىلدەرى ساراپشىلار دەڭگەيىندە ەكىجاقتى جانە ۇشجاقتى كونسۋلتاتسيالار وتكىزۋگە نيەتتى. جالپى وتىرىس بارلىق تاراپتىڭ قاتىسۋىمەن 31 قازاندا وتەدى» دەلىنگەن مينيسترلىكتىڭ ءباسپاسوز مالىمەتىندە.
ۆەدومستۆانىڭ حابارلاۋىنا قاراعاندا, كەزدەسۋ سيريادا ۇرىس ءىس-قيمىلدارىن دوعارۋ رەجيمىن نىعايتۋ بويىنشا قول جەتكىزىلگەن ناتيجەلەردى ساقتاۋعا, سونداي-اق داعدارىستى ساياسي رەتتەۋگە ءوتۋ كەزەڭىندە اتالعان ەلدەگى جاعدايدى ءارى قاراي تۇراقتاندىرۋ شەڭبەرىندە كۇش-جىگەرلەردى ارتتىرۋعا باعىتتالعان.
