سوعىس ارداگەرلەرى, كوپ بالالى انالار, زەينەتكەرلەر مەن مۇگەدەكتەرگە جەڭىلدىكپەن بەرىلەتىن كومىردى قاجەت ەتەتىندەردىڭ ءتىزىمى جاسالىپ, كومىر تاسىمالدانىپ, جەتكىزلىپ جاتىر. وسى ۋاقىتقا دەيىن 35 مىڭ توننانىڭ 20 مىڭ تونناسى جەتكىزلگەن. كومىردىڭ بولىنۋىنە اۋعان سوعىسىنا قاتىسۋشىلاردىڭ ۇيىمى باقىلاۋ جۇرگىزىپ وتىر.
كومىردى اسا كوپ قاجەت ەتەتىن وسكەمەن مەن سەمەي قالاسىنىڭ تۇرعىندارى قىس بويى 235-250 مىڭ توننا كومىر جاعادى. وبلىس ورتالىعىندا حالىققا كومىر ساتىپ وتىرعان «ۆەۋس» جشس ءنىڭ زاششيتا مەن سول جاعالاۋ اۋدانىنىڭ سامار تاس جولى بويىنداعى قويمالارىندا كومىر ساتىپ الۋشىلارعا توقتاۋسىز ساتىلىپ جاتىر. «ۆەۋس»تىڭ اياگوز, زىريان, شەمونايحا, گلۋبوكوە اۋداندارى مەن قالا ماڭىنداعى پرەدگورنوە اۋىلىنداعى كومىر قويمالارىنان دا كومىر كۇنى بويى ساتىلىپ كەلەدى. قىركۇيەك ايىنان بەرى ول قويمالاردان 140 مىڭ توننا كومىر ساتىلعان.
التى اي قىستا وت جاعىپ, ءۇي جىلىتۋ ءۇشىن شقو حالقىنا 1ملن 135 مىڭ توننا كومىر قاجەت. قازىر بۇل قاجەتتىلىكتىڭ 720 مىڭ تونناسى جەتكىزىلىپ, ەل قىسقى وتىننىڭ 65-70 پايىزىمەن قامتىلىپ وتىر. ايماقتا كەنىشتەردەن ءوندىرىلىپ جاتقان كومىردى جۇرتقا جەتكىزىپ بەرۋمەن 34 دايىنداۋ-ءبولۋ پۋنكتى اينالىسىپ جاتىر.
