وبلىس اكىمى ق.كوشەرباەۆ پاتەر يەلەرىنە كىلتتەرىن تابىستاپ, تۇرعىنداردى قونىس تويىمەن قۇتتىقتادى.
ء«بىز مەملەكەتتىك باعدارلامالار اياسىندا سالىنعان ۇيلەرمەن قاتار, جىل سايىن اپاتتىق جاعدايداعى ۇيلەردىڭ ماسەلەسىن دە كەزەڭ-كەزەڭىمەن شەشىپ كەلەمىز. بۇعان دەيىن اپاتتى دەپ تانىلعان ۇيلەردىڭ ورنىنا 204 پاتەرلىك 4 كوپقاباتتى تۇرعىن ءۇي پايدالانۋعا بەرىلگەن بولاتىن. بۇگىن وسى يگىلىكتى ىستەردىڭ جالعاسى رەتىندە جاپپاسباي باتىر كوشەسى مەن تيتوۆ قىستاعىنداعى جاڭا مولتەك اۋداندا 305 پاتەرلىك 6 كوپقاباتتى تۇرعىن ءۇيدىڭ كىلتىن سالتاناتتى تۇردە تابىستاعالى تۇرمىز. ناتيجەسىندە بيىل قالاداعى اپاتتىق جاعدايداعى تۇرعىن ۇيلەردىڭ ماسەلەسى تولىعىمەن شەشىمىن تاپتى دەپ ايتۋىمىزعا بولادى. وسى يگى ىستەردىڭ بارلىعى - ۇلت كوشباسشىسى نۇرسۇلتان ءابىش ۇلى نازارباەۆتىڭ سىندارلى ساياساتىنىڭ ارقاسىندا قول جەتكىزىپ وتىرعان ەڭ باستى جەتىستىگىمىز. ء«وز ءۇيىم – ولەڭ توسەگىم» دەپ, باسىندا جەكە باسپاناسى بولۋىن ارماندامايتىن ادام جوق. ءۇيلى بولسا, ءىشى جانعا تولسا ەكەن دەيدى. بۇگىن سىزدەر سول ارماندارىڭىزعا قول جەتكىزدىڭىزدەر, ەندى ءىشى ءسابيدىڭ كۇمىس كۇلكىسىنە تولسىن دەيمىز», - دەدى وبلىس اكىمى.
جاڭا قونىسقا قول جەتكىزگەن تۇرعىندار ريزاشىلىقتارىن ءبىلدىرىپ, وبلىس باسشىسىنا العىستارىن جەتكىزدى.
ايتا كەتۋىمىز كەرەك, 2013 جىلى قىزىلوردا قالاسىندا 300-گە جۋىق وتباسى تۇراتىن 25 اپاتتى ءۇي بولعان. بۇل ماسەلەنى شەشۋ ءۇشىن 6 كوپپاتەرلى تۇرعىن ءۇيدىڭ جوبالىق-سمەتالىق قۇجاتتاماسى ازىرلەنىپ, وتكەن جىلدارى ونىڭ 4-ەۋى پايدالانۋعا بەرىلدى. سوڭعى 4 جىلدا قىزىلوردا قالاسىندا 14 شاعىن اۋدان بوي تۇزەپ, تەك وسى جىلدىڭ وزىندە 61 كوپقاباتتى ءۇيدىڭ 24-ءى پايدالانۋعا بەرىلدى. ال سوڭعى 4,5 جىلدا وڭىردەگى قۇرىلىس كولەمى 3,5 ەسەگە, وبلىس ورتالىعىندا 8 ەسەگە ارتتى.
