«كەلەسى جىلى كەمە ماۋسىمىنا دايىندىق بارىسىندا جولاۋشىلار تاسىمالدايتىن تەپلوحودتاردا ءدامحانا مەن شاعىن تاماقتانۋ ورىندارىن اشۋدى كوزدەپ وتىرمىز», - دەدى «ەسىل استانا» مكقك ديرەكتورى قانات الين. ونىڭ ايتۋىنشا, مەكەمە قالالىق اكىمدىككە قوسىمشا كەمەلەر ساتىپ الۋ جونىندە تاپسىرىس بەرگەن.
«سونداي قاجەتتەلىگىمىز بار. استانا دامىپ, تۇرعىندار مەن كەلۋشىلەر سانى ارتىپ كەلەدى. قالانىڭ تۋريستىك الەۋەتى زور. ءبىزدىڭ تۋريستەرگە قىزمەت كورسەتۋگە مۇمكىندىگىمىز مول», - دەدى مەكەمە ديرەكتورى.
ايتا كەتەيىك, بيىلعى جىلى ەسىل وزەنىندەگى كەمەلەر 35 مىڭنان استام جولاۋشىعا قىزمەت كورسەتتى. بۇل جىلداعى جوسپاردان 60 پايىزعا ارتىق. سونداي-اق كەلەسى جىلى وزەندەگى تاكسي قىزمەتى ىسكە قوسىلىپ, استاناداعى العىشقى وزەن ۆوكزالىنىڭ قۇرىلىسى اياقتالادى دەپ كۇتىلۋدە.
