ءباسپاسوز ماجىلىسىنە ەنەرگەتيكا مينيسترلىگى جانىنداعى قوعامدىق كەڭەستىڭ ەكولوگيا جونىندەگى كوميسسيا جەتەكشىسى سالتانات راحىمبەكوۆا, «Led System Media» جشس ديرەكتورى امانگەلدى تاۋكەنوۆ, تەحنيكالىق عىلىمدار دوكتورى باياندى ديحانباەۆ قاتىسىپ, كورمەدە ۇسىنىلعان جوبالار, ولاردىڭ ءبىزدىڭ ەلگە تيگىزەر پايداسى جونىندە ايتىپ بەردى.
ەكسپو-2017 كورمەسىن وتكىزۋ الەمنىڭ ەڭ ۇزدىك تەحنولوگيالارىن شوعىرلاندىرۋعا, سونداي-اق وتاندىق عىلىمنىڭ الەۋەتىن اشۋعا سەپتىگىن تيگىزدى دەيدى ماماندار. بۇل رەتتە ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىندا بەلگىلەنگەن ستراتەگيالىق مىندەتتەر ءتيىمدى مەملەكەتتىك ساياساتتى ايقىنداپ, قاجەتتى شارالاردى قابىلداۋعا مۇمكىندىك بەردى.
سالتانات راحىمبەكوۆانىڭ ايتۋىنشا, ەكسپو-دان كەيىنگى كەزەڭدە ەلىمىزدە ەنەرگيا تيىمدىلىگىن ارتتىرۋ باعىتىنداعى كەشەندى شارالار جالعاسىن تاپپاق.
بىرىنشىدەن, ەكونوميكانىڭ ءتۇرلى سالالارىنىڭ ەنەرگيا تيىمدىلىگىن ارتتىرۋ جانە ءىجو-دەگى ەنەرگيا سىيىمدىلىعىن تومەندەتۋ ءۇشىن وتاندىق «جاسىل» تەحنولوگيالار مەن يننوۆاتسيالاردىڭ ءتىزىمىن قۇرۋ قولعا الىنادى.
ەكىنشىدەن, وتاندىق عىلىمعا قولداۋ كورسەتۋ جانە ولاردىڭ جوبالارىن كوممەرتسيالاندىرۋعا ىقپال ەتۋ باعىتىندا جۇمىس جۇرگىزىلەدى. باسەكەگە قابىلەتتى جانە كوممەرتسيالىق تۇرعىدان كەلەشەگى بار عىلىمي جوبالاردى ىزدەستىرۋ جانە ىلگەرىلەتۋ ماقساتىندا قوعامدىق كوممەرتسيالاندىرۋ كەڭسەسىنىڭ جۇمىسى جانداندىرىلادى.
ۇشىنشىدەن, بيۋدجەتتەن تىس ينۆەستيتسيالاردى تارتۋ تەتىكتەرىن ازىرلەۋگە ىقپال ەتۋ جاعى قولعا الىنادى. بۇل رەتتە بەس ينستيتۋتتىق رەفورمانى جۇزەگە اسىرۋ جونىندەگى «100 ناقتى قادام» ۇلت جوسپارىندا مەملەكەت باسشىسى حالىقارالىق مويىندالعان ەنەرگوسەرۆيستىك كەلىسىمشارتتار ارقىلى ەنەرگيا ۇنەمدەۋ سالاسىنا ستراتەگيالىق ينۆەستورلاردى تارتۋ بويىنشا مىندەتتەر قويعانىن ايتا كەتكەن ءجون. تورتىنشىدەن, ەلىمىزدە «جاسىل» ەكونوميكانى دامىتۋعا مۇددەلى بارلىق تاراپ ءۇشىن اقپاراتتىق ينفراقۇرىلىم قۇرۋ جانە ىنتالاندىرۋ قۇرالدارىن تابۋ جولعا قويىلعان.
ال ءوز كەزەگىندە «Led System Media» جشس ديرەكتورى امانگەلدى تاۋكەنوۆ ەكسپو-2017 كورمەسى اياسىندا كومپانيا ەلەكتر ەنەرگياسىن ۇنەمدەيتiن جارىق-ديودتى شامدار ءوندiرiسiن تانىستىرعانىن, ولاردىڭ كوشەلەر مەن ساياباقتارعا ارنالعانىن اتاپ ءوتتى.
«شامدار بەينەباقىلاۋ جانە جارىلعىش زاتتاردى انىقتاۋ جۇيەلەرiمەن جابدىقتالعان. بۇل جوبانى جاساۋعا بiرنەشە جىل كەتتi. اتالعان شامدارعا قاۋiپسiزدiكتi قامتاماسىز ەتۋمەن اينالىساتىن كوپتەگەن ورگاندار قىزىعۋشىلىق تانىتىپ وتىر. ەندi بiز بۇل جوبانى تاجىريبە جۇزiندە پايدالانىپ كورمەكپiز. استانا قالاسىندا Smart city تەحنولوگياسى بويىنشا ساياباقتار مەن مەكتەپتەردiڭ ماڭىندا جانە تاعى باسقا جەرلەردە قولدانىپ كورۋiمiز مۇمكiن», دەدi «Led System Media» جشس ديرەكتورى. بۇل كومپانيا بۇگىندە جىلىجايلارعا ارنالعان ەنەگەتيكالىق تيىمدىلىگى مول, ارنايى شامدار جاساۋدى دا قولعا العان ەكەن.
«بۇگiنگi كۇنi قازاقستاندا جان باسىنا شاققانداعى ەلەكتر ەنەرگياسىن تۇتىنۋ كولەمi شامامەن ساعاتىنا 4900 كيلوۆاتتى قۇرايدى. بۇل كەز كەلگەن ورتالىق ازيا ەلiندەگi كورسەتكiشتەن شامامەن ەكi ەسەگە, الەمنiڭ باسقا دامۋشى ەلدەرiنەن 3,5 ەسەگە كوپ. وتكەن جىلى بارلىق تۇتىنىلعان ەلەكتر ەنەرگيا – 92 ملرد كيلوۆاتت ساعاتتىڭ 22 پايىزى عيماراتتارعا, 9,3 پايىزى كوممۋنالدىق سەكتورعا, 8 پايىزى قىزمەت كورسەتۋ سەكتورىنا, 5 پايىزى مەملەكەتتiك سەكتورعا, ال 12-13 پايىزى جارىقتاندىرۋعا تيەسiلi بولدى. 2050 جىلعا دەيiنگi دامۋ ستراتەگياسىنا سايكەس, بۇكiل ەلەكتر ەنەرگيانىڭ 50 پايىزى جاڭعىرمالى ەنەرگيا كوزدەرiنەن ءوندiرiلۋi تيiس», دەدi امانگەلدi تاۋكەنوۆ.
دينارا بىتىك,
«ەگەمەن قازاقستان»
