قازىر وبلىستا 27 676 مۇگەدەك جاندار تۇرادى. ونىڭ ىشىندە 2594 بالالار. وبلىستا 2003 جىلدان باستاپ, قالا مەن اۋىلداردا مۇگەدەك جانداردىڭ ءجۇرىپ-تۇرۋىنا قوعامدىق ورىنداردا قولايلىلىق جاساۋ ءىسى باستالعان بولاتىن. وندا الەۋمەتتىك جانە كولىك ينفراقۇرىلىمدارى جاسالىپ, مۇگەدەكتەر كەدەرگىسىز جۇرە الاتىن بولدى. ونداي ورىندار قازىر بارلىق نىسانداردىڭ 80 پايىزىن قۇرايدى. وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى گۇلنار ابەنوۆا مۇگەدەكتەرگە ارنالعان الەۋمەتتىك تاكسي قوستاناي, ارقالىق, رۋدنىي قالالارىندا قىزمەت كورسەتەتىنىن ايتتى. بۇل قىزمەتتى جىل سايىن 600 مۇگەدەك پايدالانادى. «ينۆاتاكسي» مۇگەدەك جانداردىڭ كوپتەگەن پروبلەمالارىن وزدەرى شەشۋىنە مۇمكىندىك جاساپ وتىر. سوندىقتان قىزمەتتىڭ بۇل ءتۇرىن تەك دامىتا بەرۋ كەرەك دەپ ويلايمىز, - دەدى گۇلنار ابەنوۆا.
فورۋمدا جاقسى جەتىستىكتەرمەن قاتار, وزەكتى, شەشىمىن كۇتكەن ماسەلەلەر دە ايتىلدى. ء«ۇمىت-نادەجدا» قوعامدىق بىرلەستىگى كوپتەگەن مۇگەدەك جانداردىڭ ومىرگە بەيىمدەلۋىنە كومەك بەرەدى. ونىڭ باسشىلارىنىڭ وزدەرى دە اربادا وتىرادى. سوعان قاراماي ولار جالعا الىپ وتىرعان عيمارات ءۇشىن وسى ۋاقىتقا دەيىن اقىنى وزدەرى تولەپ كەلەدى. فورۋمعا قاتىسقان وبلىس اكىمى ارحيمەد مۇحامبەتوۆ ءدال قازىر عيمارات سالىپ بەرۋگە مۇمكىندىك بولماسا دا, الداعى ۋاقىتتا مۇنىڭ جاعدايىن قاراستىراتىنىن ايتتى.
فورۋمدا ءوڭىر باسشىسى الەۋمەتتىك قورعاۋ سالاسى قىزمەتكەرلەرىن كاسىبي مەرەكەسىمەن قۇتتىقتادى. ۇزدىك قىزمەتكەرلەردى ماراپاتتادى.
ءنازيرا جارىمبەت,
«ەگەمەن قازاقستان»
قوستاناي
