تاريح • 25 قازان، 2017

تۇركىستان جايلى 3D كىتاپ «ازىرەت سۇلتان» مۋزەيى كىتاپحاناسىندا

749 رەت كورسەتىلدى

رەسەي عىلىم اكادەمياسىنىڭ انتروپولوگيا جانە ەتنوگرافيا مۋزەيىنىڭ ديرەكتور ورىنباسارى جانە «Manuscripta Orientalia» حالىقارالىق عىلىمي جۋرنالىنىڭ باس رەداكتورى پروفەسسورى  ە.ا. رەزۆاننىڭ «تۇركىستان» اتتى كىتابى كوپتەگەن جىلدار بويى مۇراجاي جانە ەكسپەديتسيالىق زەرتتەۋلەردىڭ ماتەريالدارىنا نەگىزدەلە وتىرىپ، قازاقستاننىڭ تاريحى، مادەنيەتى مەن ءداستۇرى جانە ورىس پەن قازاق مادەنيەتىنىڭ ءوزارا تاريحي  قاتىناسىنا ارناپ شىعارىلعان، دەپ حابارلايدى «ازىرەت سۇلتان» قورىق-مۋزەيىنىڭ ءباسپاسوز قىزمەتى.

تاريحي قۇندى كىتاپتا  2010 - 2015 جىلدار ارالىعىنداعى  ەكسپەديتسيالىق ءىسساپارلاردىڭ قورىتىندىسىنا سəيكەس، قازاقستان مەن رەسەيدىڭ تىعىز بايلانىستى تاريحى جəنە قازاق مادەنيەتىنىڭ بىرقاتار ەرەكشەلىكتەرى مەن ەسكەرتكىشتەرى جايلى جاڭا عىلىمي ماتەريالدار ارقىلى مالىمەتتەر تولىقتاي توپتاستىرىلىپ، بەينە جانە اۋديو يلليۋستراتسيالارمەن بارلىق ەلەمەنتتەر قامتىلعان.

ءتورت بولىمنەن تۇراتىن كىتاپتىڭ ءتورتىنشى بولىمىندە «ازىرەت سۇلتان» قورىق-مۋزەيىنە قاراستى قوجا احمەت ياساۋي كەسەنەسى جانە قاسيەتتى تايقازاننىڭ سۋرەتتەرى بەينەلەنگەن.

«تۇركىستان» كىتابىنىڭ نەگىزگى ەرەكشەلىگى مۇقابا مەن ىشكى بەتتەرگە جاڭا 3D-تەحنولوگيا قولدانىلعان. مىسالعا، سمارتفونىڭىزدىڭ كامەراسىن قوسىپ كىتاپقا قاراي تۇسىرسەڭىز قوجا احمەت ياساۋي كەسەنەسىنىڭ ەجەلگى كورىنىسى جəنە ونى اينالدىرا وتىرىپ، كەسەنەنىڭ جان-جاعى مەن  ىشكى كورىنىستەرىن كورۋگە بولادى.

«تۇركىستان» كىتابى رەسەي عىلىم اكادەمياسىنىڭ انتروپولوگيا جانە ەتنوگرافيا مۋزەيى جانە «مير» مەملەكەتارالىق تەلەراديوكومپانياسىنىڭ قازاقستان رەسپۋبليكاسىنداعى ۇلتتىق فيليالىنىڭ قولداۋىمەن سانكت-پەتەربۋرگ قالاسىنداعى «تيپوگرافيا» ەكستراپرينت» باسپاحاناسىندا 2016 جىلى باسىلىپ شىققان.

بەلگىلى عالىم، يسلامتانۋشى ەفيم رەزۆاننىڭ «تۇركىستان» كىتابىن «ازىرەت سۇلتان» مەملەكەتتىك تاريحي-مادەني قورىق-مۋزەيىنە «مير» مەملەكەتارالىق تەلەراديوكومپانياسىنىڭ قازاقستانداعى ۇلتتىق فيليالىنىڭ ديرەكتورى اسقار ءالىمجانوۆ 2016 جىلى سىيعا تارتىپ، قوينىنا مول مۇرا تۇنعان قۇندى دۇنيەنىڭ مۋزەي كىتاپحاناسىندا الار ورنى ايرىقشا.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار