الداعى 3 تاۋلىككە بەرىلگەن اۋا رايى بولجامىنا سايكەس, استانادا تاياۋ ساعاتتاردىڭ ىشىندە جاڭبىردىڭ سوڭى قارعا ۇلاسادى. ەسكە سالايىق, وتكەن دەمالىس كۇندەرى بىرنەشە وڭىردە اۋا رايىنىڭ كۇرت وزگەرۋىنە بايلانىستى ەسكەرتۋ جاريالانعان بولاتىن. قازاقستان اۋماعىنا قار الىپ كەلۋى مۇمكىن تسيكلوندار كەلۋدە. قازىردىڭ وزىندە رەسپۋبليكانىڭ باتىسىندا ورنالاسقان تسيكلون باتىس جانە سولتۇستىك ايماقتاردا قار مەن جاڭبىر تۇرىندەگى جاۋىن-شاشىن تۋىنداتۋدا.
سونىمەن قاتار «قازگيدرومەتتىڭ» بولجامىنا قاراعاندا, ىلعالدى قار مەن كوكتايعاق الداعى ءۇش تاۋلىك بويى ساقتالادى.
«الداعى ءۇش تاۋلىكتە جاڭبىردىڭ ارتى ءجيى قارعا ۇلاسىپ وتىرادى. تسيكلوننىڭ جانە ونىمەن بايلانىستى سۋىق اتموسفەرا اعىنىنىڭ جىلجۋىنان رەسپۋبليكانىڭ سولتۇستىك-شىعىسىندا, سولتۇستىك, ورتالىق, كەيىننەن شىعىس وبلىستارىندا قار مولىنان جاۋى مۇمكىن. باتىستان سوققان جەلدىڭ ەكپىنى 23-28م/س-كە جەتەدى, كەيبىر جەرلەردە بۇرقاسىن, كوكتايعاق بولادى», - دەپ مالىمدەدى «قازگيدرومەت» رمك.
