«قازاقستان اۋماعىندا جالپى قۇنى 101,4 ملرد تەڭگەگە جەڭىل, جۇك تاسيتىن, اۆتوبۋس تەحنيكاسىن, ارناۋلى ماشينالار مەن تىركەمەلەردى قوسا العاندا 13 312 بىرلىك اۆتوكولىك قۇرالدارى جاساپ شىعارىلعان بولاتىن. زاتتاي ماعىنادا شىعارۋ كولەمى وتكەن جىلعى كورسەتكىشتەن 3 ەسەگە اسىپ ءتۇستى. جەڭىل اۆتوموبيلدەردى جاساپ شىعارۋ 11 575 بىرلىك مانىنە جەتىپ, 3,9 ەسەگە ءوستى. اۆتوبۋس تەحنيكاسىن (448 بىرلىك) شىعارۋ 2017 جىلدىڭ ءۇش توقسانىنىڭ قورىتىندىلارى بويىنشا ەسكى جىلدىڭ كورسەتكىشىنەن 4,5 ەسەگە ارتتى. مامانداندىرىلعان تەحنيكانى (151 بىرلىك) جاساپ شىعارۋ 2,3 ەسەگە ءوستى. جۇك تاسيتىن اۆتوموبيلدەردى شىعارۋ 20,4%-عا قىسقاردى. 2017 جىلدىڭ قىركۇيەك ايىنىڭ ناتيجەلەرى بويىنشا قازاقستان كاسىپورىندارىنىڭ كونۆەيەرلەرىنەن 1 501 بىرلىك اۆتوكولىك قۇرالدارى شىقتى. ول 2016 جىلدىڭ ءتيىستى ايىنىڭ ناتيجەلەرىنەن ەكى ەسە جوعارى.
وتاندىق اۆتوكولىكتەردى ساتۋ جىل باسىنان 13 129 بىرلىككە جەتتى, بۇل وتكەن جىلعىدان (8003 بىرلىك) 64 پايىزعا جوعارى. جەرگىلىكتى قۇراستىرۋ اۆتوموبيلدەرىنىڭ سەگمەنتىندە باسىم بولاتىن پوزيتسيانى «ازيا اۆتو» اق يەلەنەدى – 8772 ساتىلعان اۆتوموبيلدەر نەمەسە وتاندىق تەحنيكانىڭ جالپى ساتىلىمىنىڭ 67 پايىزى. «سارىارقااۆتوپروم» جشس-نە 3003 بىرلىك جۇك تيەلگەن بولاتىن (سەگمەنتتەگى ۇلەسى – 23 پايىز). ودان ء ارى وتاندىق اۆتووندىرۋشىلەردىڭ ءونىمىن ساتۋ رەيتينگىندە «كاماز-ينجينيرينگ» اق (430 بىرلىك 3 پايىز), «Hyundai Trans Auto» جشس (319 بىرلىك, 2 پايىز), «سەماز» جشس (226 بىرلىك, 2 پايىز), «اگروماشحولدينگ» اق (224 بىرلىك, 2 پايىز) جانە «Daewoo Bus Kazakhstan» جشس (155 بىرلىك,1 پايىز) ورنالاسقان», دەدى و.الفيوروۆ.
سونىمەن قاتار ول جەڭىل كولىكتەردىڭ ەڭ ىزدەنىپ الاتىن برەندتەرىنىڭ بەستىگى قايسى ەكەنىن دە تىلگە تيەك ەتتى. سپيكەردىڭ سوزىنشە قازاقستاندىق قۇراستىرۋداعى جەڭىل اۆتوموبيلدەردىڭ ەڭ سۇرانىسقا يە برەندتەرىنىڭ بەستىگىن قاڭتار-قىركۇيەك ايلارىنىڭ كورىتىندىسى بويىنشا Lada اۆتوكولىگى باستاپ تۇر. ودان كەيىنگى ورىنداردا Hyundai, KIA, Chevrolet جانە JAC تۇر. وتاندىق كاسىپورىندار ۇسىناتىن ماركالار تىزىمىنە سونداي-اق Ravon, SsangYong , Skoda, Peugeot جانە Geely كىردى. جەرگىلىكتى جاساپ شىعارىلعان جەڭىل اۆتوموبيلدەردى ساتۋ رەيتينگىسىن Lada برەندىسىنىڭ ۇلگىلەرى باستادى.
باسقارما توراعاسى 1 047 اۆتوموبيلدەر قاڭتار-قىركۇيەك كەزەڭىندە مەملەكەتتىك باعدارلامانىڭ قاتىسۋشىلارىمەن جەڭىلدىكتى اۆتونەسيەلەرگە ساتىپ الىنعانىن جەتكىزدى.
«ەسكى اۆتوموبيلدەردى ساتىپ الۋ بويىنشا باعدارلاما شەڭبەرىندە قازاقستاندىقتار اعىمداعى جىلدىڭ 9 ايى ىشىندە 25 167 بىرلىك تەحنيكانى پايداعا اسىردى. پشكق پايداعا اسىرۋ باعدارلاماسىنىڭ ەكىنشى كەزەڭى باستالۋىنان ءۇش اي وتكەندە جاڭا كولىك قۇرالدارىن ساتىپ الۋعا 1 961 جەڭىلدىكتى سەرتيفيكات بەرىلگەن. ەلدىڭ اۆتوسالوندارىندا بارلىعى 531 سەرتيفيكات پايدالانىلعان, وعان قازاقستاندىقتار ەلىمىزدە جاساپ شىعارىلعان 313 اۆتوموبيلدەردى ساتىپ الدى», دەدى ول.
راۋان قايدار,
«ەگەمەن قازاقستان»
