«قازىر ارگەنتينالىقتارمەن كەلىسسوزدەر جۇرگىزىپ جاتىرمىز. ارينە, بۇل وڭاي ەمەس. ءبىراز كۇشتى تالاپ ەتەدى. 14 قاراشاعا دەيىن دە از ۋاقىت قالدى. قازىرگى ۋاقىتتا قارجىلاندىرۋ ماسەلەسىن شەشۋ قاجەت. جالپى سومانىڭ 40 پايىزىن قازاقستان فۋتبول فەدەراتسياسى ءوز موينىنا الادى, ال قالعان 60 پايىزدى تولتىرۋ ءۇشىن پوتەنتسيالدى دەمەۋشىلەردى تارتۋ كوزدەلىپ وتىر.
ليونەل مەسسي, سەرحيو اگۋەرو, انحەل دي ماريا, حاۆەر ماسكەرانو, پاۋلو ديبالا سەكىلدى وزگە دە جۇلدىزدار باستاعان قۇرامانىڭ ەلىمىزگە كەلۋى قازاقستان فۋتبول تاريحىنداعى ماڭىزدى وقيعا بولارى ءسوزسىز. ارگەنتينا نەگىزگى قۇرامدى الىپ كەلۋگە دايىن. قارجى ماسەلەسى شەشىلسە بۇل كەزدەسۋ وتەدى», - دەدى ۋتروبين.
ايتا كەتەيىك, 11 قاراشادا ارگەنتينا قۇراماسى ماسكەۋدە رەسەي قۇراماسىمەن جولداستىق كەزدەسۋ وتكىزەدى.
بىرەر اي بۇرىن حورحە ءسامپاوليدىڭ شاكىرتتەرى رەسەيدە 2018 جىلى 14 ماۋسىم 15 شىلدە ارالىعىندا وتەتىن الەم چەمپيوناتىنا جولدامانى جەڭىپ العان ەدى.
