مۇنايشىلار قالاسىنا جۇمىس ساپارى اياسىندا ە.توعجانوۆ جاڭاوزەن قالاسىنىڭ كاسىپكەرلەردى قارجىلاندىرۋ باعدارلاماسىمەن تانىستى. باعدارلامانىڭ ماقساتى - ەكونوميكانىڭ باسىم باعىتتارىنداعى جوبالارعا جەڭىلدەتىلگەن نەسيە بەرۋ جولىمەن, جاڭاوزەن قالاسىندا شاعىن جانە ورتا بيزنەستى دامىتۋعا كومەكتەسۋ. باعدارلامانى قارجىلاندىرۋ «دامۋ» قورىنىڭ جانە «وزەنمۇنايگاز» اق جەر قويناۋىن پايدالانۋ كەلىسىم-شارتى اياسىندا جەرگىلىكتى اتقارۋشى ورگانعا بەرەتىن قاراجاتتارى ەسەبىنەن جۇزەگە اسىرىلاتىن بولادى. قارجىلاندىرۋ كولەمى: باعدارلاما بويىنشا قارجىلاندىرۋدىڭ جالپى سوماسى - 600 ملن تەنگە, ونىڭ ىشىندە: «وزەنمۇنايگاز» اق-نىڭ قارىسى 200 ملن. تەڭگە, «دامۋ» قورىنىڭ قارجىسى - 400 ملن تەڭگە. سۋبسيديالاۋ بويىنشا «جول بويىنداعى سەرۆيس قۇرىلىسى» جوباسى. نەسيە سوماسى – 60 000 000 تەڭگە. سىياقى مولشەرلەمەسى - 11%. 3 جىلعا = 10 715 000 تەڭگە. سۋبسيديا كولەمى – 10%. 3 جىلعا = 9 741 000 تەڭگە. كاسىپكەردىڭ پايىزدىق شىعىندارى - 1%. 3 جىلعا = 974 000 تەڭگەنى قۇراعان.
Cونىمەن قاتار, وبلىس اكىمى «جەتىباي-جاڭاوزەن-كەندىرلى-تۇركمەنستان شەكاراسى» اۆتوموبيل جولىنىڭ 155-210 شاقىرىمىنداعى ۋچاسكەسىنىڭ ورتاشا جوندەۋ جۇمىسىمەن تانىستى. باس مەردىگەر - «نۇرجول ينۆەست» جشس. جۇمىستىڭ جالپى قۇنى - 652 ميلليون 960 مىڭ تەڭگە. 2017 جىلدىڭ مامىر ايىندا باستالعان جولدى بيىلعى قازان ايىنىڭ سوڭىنا دەيىن ءبىتىرۋ كوزدەلگەن. بۇگىنگى كۇنى جارىقشاقتاردى تولتىرۋ, اسفالتبەتوندى ءبىر قاباتتى جابۋدى جوندەۋ جۇمىستارى كم.155-170 (15 كم) كم193-210 (17 كم) اياقتالدى. جۇرگىزىلگەن جۇمىستاردىڭ جالپى سومماسى 328 ملن تەڭگە.
جۇمىس ساپارى اياسىندا ءوڭىر باسشىسى «راحات», «راۋان», «اراي» شاعىن اۋداندارىندا سالىنىپ جاتقان مەكتەپتەردىڭ قۇرىلىسىمەن تانىستى. مەكتەپتەردىڭ ارقايسىسى 900 ورىندىق. ءبىلىم وردالارىنىڭ قۇرىلىسى وسى جىلدىڭ شىلدە ايىندا باستالعان. ءاربىر مەكتەپتىڭ جالپى اۋدانى - 14,370 م². ءۇش قاباتتى مەكتەپتەردىڭ قۇرىلىسى كەلەسى جىلى جاز ايلارىندا اياقتالۋى ءتيىس.
وبلىس اكىمى باستاعان ءبىر توپ دەلەگاتسيا «كاسپي» زياتكەرلىك مەكتەپ-باقشاسى جۇمىسىمەن تانىسىپ, وقىتۋشىلارىمەن تىلدەستى. «سامال» شاعىن اۋدانىندا ورنالاسقان عيماراتتىڭ جالپى اۋدانى - 2940 م². مەكتەپ-بالاباقشا بيىل 1-ءشى قىركۇيەكتە جۇمىسىن باستادى. سىيىمدىلىعى - 150 وقۋشى. قازىر مۇندا 147 وقۋشى ءبىلىم الۋدا. قازاق تىلىندە ءبىلىم بەرەتىن وقۋ ورىندا 15 جوعارى ءبىلىمدى مۇعالىم جۇمىس ىستەيدى. ودان سوڭ ءوڭىر باسشىسى ماڭعىستاۋ وبلىسى ءبىلىم باسقارماسىنىڭ «وڭالتۋ ورتالىعى» مەملەكەتتىك مەكەمەسىنە باردى.
«اراي» شاعىناۋدانىندا ورنالاسقان مەكەمەنىڭ سىيىمدىلىعى-320 ورىندىق. قىزمەتكەر سانى-86. مەكەمەنىڭ ماتەريالدىق-تەحنيكالىق بازاسى تۇزەتۋ كابينەتتەرى (پسيحولوگ, لوگوپەد, دەفەكتولوگ, الەۋمەتتىك, ەدش زالى, سەنسورلىق بولمە), 16 توپ, اكت زالى, 2 مەديتسينالىق كابينەت, 1 اسحانامەن تولىققان. ورتالىق مىندەتى سويلەۋ تىلىندە, كورۋ, ەستۋ, تىرەك-قوزعالىس اپپاراتىندا بۇزىلۋى, وقىپ-ۇيرەنۋ, قارىم-قاتىناس جاساۋ مەن ءجۇرىس تۇرىسىندا قيىندىقتارى بار بالالار مەن جاسوسپىرىمدەرگە پسيحولوگيالىق-پەداگوگيكالىق تۇزەۋ مەن وڭالتۋ تۇرىندە كەشەندى پسيحولوگيالىق-مەديتسينالىق-پەداگوگيكالىق كومەك كورسەتۋ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
