جيىندا ايماق باسشىسى ەكونوميكانىڭ دامۋىنا ۇدەمەلى يندۋستريالدى-يننوۆاتسيالىق دامۋ باعدارلاماسى تىڭ سەرپىن بەرگەنىن اڭگىمەلەدى. باعدارلاما اياسىندا وندا 20 جوبا جۇزەگە اسسا, ونىڭ 16-سى تولىق قۋاتتىلىعىندا جۇمىس ىستەپ تۇر. قىزىلوردادا سوڭعى جىلدا ءۇيدب كاسىپورىندارى وندىرگەن ءونىم ەكسپورتى 23 پايىزعا ارتىپ, يمپورتتاۋشى مەملەكەتتەر سانى 8-دەن 11-گە جەتكەن.
«جۇزەگە اسىرىلعان جوبالاردىڭ ساپاسىن ارتتىرۋ ماقساتىندا ءبىز يندۋستريالاندىرۋ كارتاسىنا تۇگەندەۋ جۇرگىزىپ, ءتيىمسىز جانە ەكسپورتتىق الەۋەتى تومەن, باسەكەگە قابىلەتسىز جوبالاردى الىپ تاستادىق. قالعان جوبالار بويىنشا ناقتى جۇمىس اتقارىلۋدا. ماسەلەن, كەلەر جىلى وبلىستا موليبدەن ءۇش توتىعىن شىعاراتىن كاسىپورىن ىسكە قوسىلادى. ءونىم ەكسپورتىنىڭ نەگىزگى كولەمى جاپونيانىڭ ۇلەسىندە بولادى. الداعى جىلدىڭ شىلدە ايىندا شىنى زاۋىتىنىڭ العاشقى ءونىمىن شىعارۋدى كوزدەپ وتىرمىز. سونداي-اق, كەلەر جىلى قۇرىلىس سالاسىندا عانا ەمەس, مۇناي-گاز جانە ۋران وندىرۋدە كەڭىنەن قولدانىلاتىن تامپوناجدى تسەمەنت شىعاراتىن زاۋىتتى دا ىسكە قوسامىز», دەدى وبلىس اكىمى. بۇل كاسىپورىنداردىڭ بارلىعىنىڭ ەكسپورتتىق الەۋەتى جوعارى, جاڭا تەحنولوگيالار ەنگىزىلگەن.
قىرىمبەك ەلەۋ ۇلىنىڭ سوزىنە قاراعاندا, ايماق دامۋىندا وڭ ديناميكا بار, ءىرى جوبالار جۇزەگە اسۋدا. «بريتاندىق ينۆەستورلارمەن بىرلەسىپ «بالاساۋىسقاندىق» ۆانادي كەن ورنىندا قارا تاقتا تاستى اۆتوكلاۆتا وڭدەيتىن جوبا جۇزەگە اسىرىلۋدا. 110 توننا امموني مەتاۆاناداتىن تايۆانعا ەكسپورتتاپ ۇلگەردىك. بۇدان بولەك, قازىر قىزىلوردادا فەرروقورىتپا زاۋىتىن سالۋ جوباسىن ىسكە اسىرۋ باعىتىندا جۇمىس ىستەلۋدە. قىركۇيەك ايىنىڭ سوڭىندا تۇركيالىق «Yıldızlar SSS Holding» كومپانياسىمەن بىرلەسىپ, 2 ءىرى نىسان قۇرىلىسىن باستاۋ تۋرالى شەشىم قابىلدانعان ەدى. ونىڭ ءبىرى – جىلدىق قۋاتتىلىعى 27 ملن شارشى مەتر كەراميكالىق تاقتا جانە كەراموگرانيت شىعاراتىن زاۋىت, ەكىنشىسى – قۋاتتىلىعى 138 مۆت/ساع بولاتىن گاز پورشەندى ستانساسى. كەراميكالىق تاقتا شىعاراتىن زاۋىت وسى ءونىمدى جاسايتىن قازاقستانداعى ءىرى ءوندىرىس ورنى بولادى. ال, گاز پورشەندى ەلەكتر ستانساسىنىڭ ىسكە قوسىلۋى ەلەكترمەن قامتاماسىز ەتۋدى جاقسارتىپ, ايماقتا ونەركاسىپتىڭ دامۋىنا مۇمكىندىك بەرەدى», دەدى اكىم.
اسحات رايقۇل,
«ەگەمەن قازاقستان»
