قازاقستان • 17 قازان، 2017

الماتىدا ورتالىق عىلىمي كىتاپحانادا حالىقارالىق كونفەرەنتسيا باستالدى

281 رەتكورسەتىلدى

الماتىداعى «عىلىم ورداسىنىڭ» ورتالىق عىلىمي كىتاپحاناسىندا «كىتاپحانا زاماناۋي اقپارات كەڭىستىگىندە» اتتى ءۇش كۇندىك حالىقارالىق كونفەرەنتسيا ءوز جۇمىسىن باستادى.

ورتالىق عىلىمي كىتاپحانانىڭ 85 جىلدىعىنا وراي ۇيىمداستىرىلىپ وتىرعان جيىننىڭ باستى تاقىرىبى – قازىرگى جاھاندىق تەحنولوگيالىق ۇردىستەر ۋاقىتىندا عىلىمي كىتاپحانالاردىڭ زامان كوشىنەن قالىپ قالماي، جيناقتالعان قوردى وقىرمانعا جەتكىزۋ، حالىق يگىلىگىنە جاراتا ءبىلۋ سىندى ماڭىزدى مىندەتتەرىن جۇزەگە اسىرۋ ماسەلەسى.

ورتالىق عىلىمي كىتاپحانا مەڭگەرۋشىسى قارلىعاش قايماقباەۆا: «كىتاپحانادا جيناقتالعان قوردى وقىرمانعا جەتكىزۋدىڭ، يگىلىككە جاراتۋدىڭ ماڭىزى زور. وقىرمانعا زامان تالابىنا ساي قىزمەت كورسەتۋ ءۇشىن ءبىز قاشاندا بارلىق مۇمكىندىكتى قاراستىرىپ، بارىنشا پايدالانۋعا ۇمتىلىپ كەلەمىز. قازىرگى تەحنولوگيالار دامىعان زاماندا كىتاپ قورىنىڭ ەلەكتروندىق كاتالوگى، قۇجاتتاردى ساندىق قالىپقا ءتۇسىرۋ، وقىرماندارعا قۇجاتتاردان كوشىرمە، سكانەر جاساۋ، تۇنگى ابونەمەنت جۇمىسى ءتارىزدى يگىلىكتى ىستەردىڭ ءبارى دە وقىرمانعا ساپالى ءارى جىلدام قىزمەت ەتۋگە باعىتتالىپ وتىر»، – دەپ اتاپ ءوتتى.

ەلىمىزدەگى بىرقاتار جوعارى وقۋ ورىندارى كىتاپحانالارىنىڭ باسشىلارىمەن قاتار، اۆتوماتتاندىرىلعان كىتاپحانالىق جۇيەنىڭ نەگىزىن قالاعان ەكونوميكا عىلىمدارىنىڭ كانديداتى ۆ.گريبوۆ، حالىقارالىق اقپارات اكادەمياسىنىڭ وكىلى ل.لەۆوۆا، پەداگوگيكالىق عىلىمداردىڭ كانديداتى، رعا مكعتك عىلىمي قىزمەتكەرى د.تسۋكەربلات، تۇركيانىڭ جۋمھۋريەت ۋنيۆەرسيتەتىنىڭ پروفەسسورى بيلال يۋجەل سىندى الىس-جاقىن شەتەلدەردەن كەلگەن ارنايى ماماندار قاتىسىپ وتىرعان كونفەرەنتسيا بارىسىندا سونداي-اق، الەمدەگى الەۋمەتتىك ينستيتۋتتار مۇمكىندىگىن كورسەتۋدەگى كىتاپحانا ءرولى، بيبليوگرافيالىق قىزمەت كورسەتۋدە اقپارات بەرۋدىڭ جاڭا ۇلگىلەرىن ەنگىزۋ، جاڭا اقپاراتتىق تەحنولوگيالىق كەلىسىمدەرگە قول جەتكىزۋ ماڭىزدىلىعىنا قاتىستى ۇتىمدى ۇسىنىستار مەن وي-پىكىرلەر ورتاعا سالىنباق. 

ميرا بايبەك،
«ەگەمەن قازاقستان»

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار