رەترو-ساياباق وتكەن عاسىردىڭ 50-جىلدارىنداعى نەوكلاسسيكالىق ستيلدە جاسالعان. نەگىزگى اۋماعى جايىق وزەنىنىڭ جاعالاۋى مەن اللەيالارمەن ەمىن ەركىن, جاياۋ دەمالۋعا ارنالعان.
- اتىراۋ تۇرعىندارىنان قوسىمشا دەمالىس ورىندارىن سالۋ جونىندە ۇسىنىستار تۇسەدى. جاڭا رەكرەاتسيالىق اۋماقتار جاساۋ جۇمىستارى جالعاسادى. "جەڭىس ساياباعىن" ۇلكەيتۋ, ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى جانىنداعى جايىق وزەنىنىڭ جاعاسىنان ساياباق جاساۋ جوسپاردا بار. باسقا دا جوبالار جۇزەگە اسادى, ءبىز سىزدەردىڭ قولداۋلارىڭىزعا سەنەمىز, دەدى جينالعان قالا تۇرعىندارىنا وبلىس əكىمى نۇرلان نوعاەۆ.
رەترو-ساياباق قۇرىلىسى 2015 جىلدىڭ اقپانىندا باستالعان. "تەڭىزشەۆرويل" جشس "يگىلىك" əلەۋمەتتىك-ينفراقۇرىلىم باعدارلاماسى اياسىندا سالعان ساياباق جايىق وزەنىنىڭ جاعاسىندا تۇرعىندار قالاشىعى ىقشام اۋدانىندا ورنالاسقان. جاڭا دەمالىس ورىنى كلاسسيكالىق ستيلدە جابدىقتالعان: امفيتەاتر, كافە, كورمە پاۆيلونى, مۋزىكالىق سۋبۇرقاق, جاساندى توعان بار. بەينەباقىلاۋ جۇيەسى مەن راديوتوراپ ورناتىلعان.
ساياباقتا "دوس-مۇقاسان" مۋزىكالىق انسامبلىنە ەسكەرتكىش قويىلدى, ونىڭ اشىلۋىنا انسامبل مۇشەلەرى ارنايى كەلىپ قاتىستى.
جوبا بويىنشا الاڭداعى 3,5 گا جەرگە 750 اعاش وتىرعىزىلدى.
"يگىلىك" باعدارلاماسىن جۇزەگە اسىرۋ اياسىندا 250 ملن اقش دوللارى يگەرىلىپ, 130 جوبا جۇزەگە استى. سونىڭ نəتيجەسىندە دəرىگەر, مۇعالىم جəنە تەحنيكالىق قىزمەتكەرلەرگە 1000 - نان استام جۇمىس ورىنى قۇرىلدى.
- رەترو-ساياباق اتىراۋ قالاسىنىڭ تۇرعىندارى ءۇشىن عاجايىپ دەمالىس ورىنى بولارىنا سەنەمىز, دەيدى تشو كومپانياسىنىڭ باس ديرەكتورى تەد ەدچيسون.
