3 قازان ساعات 19:15 ۋاقىتىندا الماتى وبلىسى ىلە اۋدانىندا مەجدۋرەچەنسك اۋىلىنىڭ جانىندا ان-28 ۇشاعى قۇلاپ, ارتىنان وتقا ورانعان. ۇشاق بورتىندا بولعان بەس ادامنىڭ ءبارى قازا تاپقان, دەپ حابارلادى قر ءىىم توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ.
«East Wing» اۋە كومپانياسىنا قاراستى ان-28 ۇشاعى مەديتسينالىق كومەك كورسەتۋ ماقساتىندا ساعات 18:35 ۋاقىتىندا الماتىدان شىمكەنت باعىتىندا ۇشىپ, 12 مينۋتتان سوڭ ساعات 18:47 ۋاقىتىندا الماتىدان 28 شاقىرىم قاشىقتىقتا راداردان جوعالعان.
ازاماتتىق اۆياتسيا كوميتەتى فەيسبۋك الەۋمەتتىك جەلىسىندەگى رەسمي پاراقشاسىندا قايتىس بولعانداردىڭ اتى-ءجونىن جاريالادى.
ۇشاق كومانديرى, قىرعىز ەلىنىڭ ازاماتى تسوي گ.ن., ەكىنشى ۇشقىش, قازاقستان ازاماتى كۋتافين ە. ۇشاق بورتىندا ەكيپاج مۇشەلەرىنەن بولەك ەكى مەديتسينالىق قىزمەتكەر بولعان. بارلىعى بەس ادام.
ان-28 ۇشاعى 1990 جىلى پولشادا شىعارىلعان, تىركەلگەن نومەرى UP – A2807. جالپى ەڭ اۋىر ۇشۋ سالماعى - 5690 كگ.
"كوورديناتتار انىقتالىپ, قر يدم كولىكتەگى وقيعالاردى تەرگەۋ دەپارتامەنتىنىڭ اۋەدەگى وقىس وقيعالاردى تەرگەۋ باسقارماسىنىڭ ماماندارى اۋە وقيعاسى تۋرالى اقپارات تۇسكەننەن كەيىن, ءبىر ساعات ىشىندە وقيعا ورنىنا اتتانىپ كەتتى," دەپ جازىلعان ازاماتتىق اۆياتسيا كوميتەتىنىڭ حابارلاماسىندا.
