وتىرىستا بيىلعى جىلدىڭ 9 ايىنداعى ينفلياتسيا دەڭگەيى جانە ونى اعىمداعى جىلدىڭ سوڭىنا دەيىن ۇستاپ تۇرۋ شارالارى تۋرالى ماسەلە قارالعان بولاتىن. ءمينيستردىڭ مالىمدەۋىنشە, جىل باسىنان بەرى رەسپۋبليكادا ينفلياتسيالىق ۇدەرىستەر باياۋلاعان. بيىل قىركۇيەك ايىندا ينفلياتسيا 3 پايىز, ال جالپى جىلدىڭ باسىنان بەرى 4,2 پايىزدى قۇرادى. باياۋلاۋدىڭ نەگىزگى فاكتورلارى ۆاليۋتالىق نارىقتاعى جاعدايدىڭ تۇراقتانۋى, نارىقتىڭ بىرقالىپتى ينفلياتسيالىق بولجامدارى, سونداي-اق ازىق-ت ۇلىك تاۋارلارىنىڭ نەگىزگى تۇرلەرى بويىنشا ونىمدەر شىعارۋدىڭ ءوسۋى بولىپ وتىر. ءمينيستردىڭ ايتۋىنشا, ازىق-ت ۇلىك تاۋارلارىنىڭ باعالارى سوڭعى ءۇش اي قاتارىنان تومەندەۋدە. وعان قوسا, باعالار مەن اقىلى قىزمەت كورسەتۋلەرگە تاريفتەر بىرقالىپتى قارقىنمەن وسۋدە.
تاۋەكەلدەردىڭ ورنىن تولتىرۋ ءۇشىن ۇكىمەت الەۋمەتتىك ماڭىزى بار ازىق-ت ۇلىك تاۋارلارىنا جانە قىزمەت كورسەتۋلەرگە باعالار مەن تاريفتەردىڭ نەگىزسىز وسۋىنە جول بەرمەۋ شارالارىن قولداندى.
وسىعان بايلانىستى وڭىرلەردىڭ اكىمدەرىنە اۋىل شارۋاشىلىعى مينيسترلىگىمەن بىرگە وڭىرلىك تۇراقتاندىرۋ قورلارىندا نەگىزگى ازىق-ت ۇلىك تاۋالارىنىڭ جەتكىلىكتى قورىن قامتاماسىز ەتۋ قاجەت. سونداي-اق, كۇن سايىن باعالارعا مونيتورينگ جاساۋ جانە نارىقتا قاجەتتى الەۋمەتتىك ماڭىزى بار ازىق-ت ۇلىك تاۋارلارىنىڭ جەتىسپەۋشىلىگى مەن ىسىراپ بولۋىنا جول بەرمەۋ ءۇشىن تۇراقتاندىرۋ قورلارىنىڭ رەسۋرستارىن ءتيىمدى پايدالانۋ كەرەك.
ەنەرگەتيكا مينيسترلىگىنە وڭىرلەردىڭ اكىمدەرىمەن بىرگە جىلۋ بەرۋ ماۋسىمىندا جانار-جاعارماي ماتەريالدارىنا باعالاردىڭ نەگىزسىز وسۋىنە جول بەرمەۋ ءۇشىن سايكەس جۇمىس جۇرگىزۋ قاجەت.
جوعارىدا اتالعان الدىن الۋ شارالارىن ەسكەرگەندە 2017 جىلدىڭ قورىتىندىسى بويىنشا ينفلياتسيا دەڭگەيى 6,9-7,5 پايىز اۋقىمىندا بولادى دەپ كۇتىلۋدە, بۇل جوسپارلانعان دەڭگەيگە سايكەس كەلەدى.
دينارا بىتىك,
«ەگەمەن قازاقستان»
