ماسەلەگە وراي بايانداما جاساعان ءبىلىم جانە عىلىم ءمينيسترى ەرلان ساعاديەۆ بۇگىنگى تاڭدا تۇجىرىمدامالىق تۇردە ءبىلىم بەرۋ جۇيەسى نەگىزگى ءۇش باعىت بويىنشا جۇرگىزىلىپ جاتقانىن اتاپ ءوتتى. ولار: ءبىلىم بەرۋ ۇدەرىسىن تسيفرلاندىرۋ, تسيفرلىق ءبىلىم بەرۋ كونتەنتى, ءبىلىم بەرۋدى باسقارۋدى تسيفرلاندىرۋ.
ورتا ءبىلىم بەرۋدەگى وقۋ ۇدەرىسىن اۆتوماتتاندىرۋ ءۇشىن ەلەكتروندى جۋرنالدار جۇيەسى پايدالانىلۋدا. ەلەكتروندى جۋرنالداردى ەنگىزگەن مەكتەپتەردە قاعاز تۇرىندەگىسىن قولدانۋعا تىيىم سالىنادى. ازىرلەۋشىلەردىڭ پىكىرىنشە, بۇل قوسارلانۋشىلىقتى توقتاتادى جانە ەسەپتىلىكتى ايتارلىقتاي قىسقارتادى.
جوعارى ءبىلىم بەرۋدە «جوعارى ءبىلىمدى باسقارۋدىڭ بىرىڭعاي جۇيەسى» جۇمىس جاسايدى, ول اقپاراتتىق جۇيەلەردى ىقپالداستىرۋدىڭ كومەگىمەن تولىعادى, وسىلايشا ءاربىر وقۋشىنىڭ مارتەبەسى بويىنشا وزەكتى مالىمەتتەردى ءاردايىم كورۋگە مۇمكىندىك بەرەدى. عىلىم سالاسىندا بارلىق عىلىمي گرانتتارعا ءوتىنىم بەرۋ, ەسەپتەر قابىلداۋ, ماقالالاردى ەسەپكە الۋ, ەلەكتروندى مەكەن-جايلار بازاسى تسيفرلاندىرىلدى.
ەكىنشى باعىت – تسيفرلىق ءبىلىم بەرۋ كونتەنتى بويىنشا مەكتەپتەر ءۇشىن ءۇش تىلدە 80 مىڭ بەينەفيلم مەن ينتەراكتيۆتى ساباقتار ەنگىزىلدى, ولار مۇعالىمگە ساباقتى الدەقايدا جوعارى دەڭگەيدە جۇرگىزۋگە كومەكتەسەدى. بيىل 7 082 مەكتەپ اتالعان تسيفرلىق رەسۋرستارعا قولجەتىمدى بولدى.
اتالعان تسيفرلى رەسۋرستار ونلاين جانە وففلاين رەجيمدەردە قولجەتىمدى, ياعني مۇعالىم – ءپاندى جۇرگىزۋشى دايىن بەينەماتەريالدى الىپ, ونى ساباق بارىسىندا وقۋ ماتەريالىن ءتۇسىندىرۋ نەمەسە بەكىتۋ ءۇشىن پايدالانادى. مۇعالىمگە ەندى ساباقتارعا قوسىمشا ماتەريال ىزدەۋدىڭ قاجەتى جوق.
ءۇشىنشى باعىت – ءبىلىم بەرۋدى باسقارۋدى تسيفرلاندىرۋ – باسقارۋدىڭ بىرىڭعاي جۇيەسىن قۇرۋدى قاراستىرادى, وعان بارلىق ءبىلىم بەرۋدىڭ مالىمەتتەر بازالارى نەگىزىندە Big Data قۇرۋ ەنگىزىلەدى.
«وسىعان بايلانىستى 2017 جىلدىڭ سوڭىنا دەيىن مينيسترلىك ۆەدومستۆوىشىلىك ءبىلىم بەرۋدىڭ مالىمەتتەر بازالارىن ىقپالداستىرۋدى جوسپارلايدى, ال 2018 جىلى ءبىزدىڭ مالىمەتتەردى مەملەكەتتىك ورگانداردىڭ مالىمەتتەر بازالارىمەن ىقپالداستىرۋ جوسپارلانعان», دەدى ە. ساعاديەۆ.
دينارا بىتىك,
«ەگەمەن قازاقستان»
