كورمەنى قاراعاندى وبلىستىق مەملەكەتتىك ءارحيۆىنىڭ قورىنداعى قۇجاتتار نەگىزىندە «بولاشاق» اكادەمياسى ۇيىمداستىردى. وعان وتكەن عاسىردا لاتىن گرافيكاسىمەن باسىلىپ شىققان قۇجاتتار, گازەت-جۋرنالدار قويىلدى, سونداي-اق «رۋحاني جاڭعىرۋ» جوباسىنا ارنالعان جەكە بۇرىش ۇيىمداستىرىلدى.
كورمە «بولاشاق» اكادەمياسى ستۋدەنتتەرىنىڭ جانە پروفەسسور-وقىتۋشىلار قۇرامىنىڭ ۇلكەن قىزىعۋشىلىعىن تۋدىردى. وبلىستىق ارحيۆ وكىلى جازيرا اكيجانوۆا 1929 جىلعا دەيىن قازاق ءتىلىنىڭ لاتىن گرافيكاسىن قولدانۋ تاريحى جونىندە بايانداپ بەردى. سونىمەن قاتار, ءىس-شارا بارىسىندا «بولاشاق» اكادەمياسىنىڭ پروفەسسورى, فيلولوگيا عىلىمدارىنىڭ كانديداتى قۇرمانعازى سەمبيەۆ پەن زاڭ عىلىمدارىنىڭ كانديداتى ەلەۋجان سەرىموۆ اتالعان تاقىرىپ بويىنشا سۇراقتارعا جاۋاپ بەرىپ, جان-جاقتى تۇسىنىك بەردى.
