سوندىقتان, 2017-2018 جىلداردىڭ كۇزگى-قىسقى كەزەڭىنە نىسانداردىڭ جالپى دايىندىعى قازىر ويداعىداي بولماي تۇر. تۇرعىن ۇيلەردىڭ ىستىق سۋسىز قالۋى-قۇبىرلاردا بىرقاتار زاقىمدالۋلار انىقتالعان. قازىر جۇمىستار جۇرگىزىلۋ ۇستىندە. ءتىپتى, قالانىڭ ساياجاي اۋماعىنا قاراستى جىلۋ قۇبىرلارىن قايتا جوندەۋ ءۇشىن ەكى جىلعا ارنالعان جوبا ازىرلەنىپ, مەملەكەتتىك ساراپتامادا قارالۋدا.
جالپى, جىل سايىن قالادا 9,5 شاقىرىم جىلۋ جەلىلەرى جوندەۋدەن وتەدى. نەگىزى, جىلۋ قۇبىرلارىنىڭ ۇزىندىعى وبلىس ورتالىعىندا 700 شاقىرىمدى قۇرايدى. ونىڭ 78 پايىزىنىڭ ابدەن توزىعى جەتكەن. ال اپاتتى جاعدايدىڭ الدىن الۋ ءۇشىن جىل سايىن 25 شاقىرىم قۇبىردى جوندەپ,ىسكە قوسۋ قاجەت.
قالالىق تۇرعىن ءۇي ينسپەكتسياسى ءبولىمى الداعى جىلۋ ماۋسىمىنا دايىندىق جۇمىستارىن جاساماعان 75 تۇرعىن ءۇي بار ەكەنىن دە ايتىپ وتىر. سوندىقتان, دايىندىق جۇمىستارى جۇرگىزىلگەن سوڭ عانا بۇل ۇيلەرگە جىلۋ بەرىلەدى. وڭىردە جىلۋ بەرۋ ماۋسىمى 1 قازاننان باستالماقشى.
فاريدا بىقاي,
«ەگەمەن قازاقستان»
