مالوالەكساندروۆكا ەلدى مەكەنى اۋماعىنان اقكول ەلدىمەكەنىنە ۇشۋدى ورىنداپ, قونۋعا ىڭعايلانعان كەزدە جەر قىرتىسىنا سوعىلعان تىكۇشاقتا وت تۇتانىپ, تولىق جانىپ كەتكەن. قالپىنا كەلتىرۋگە جارامايدى.
وقىس وقيعا كەزىندە بورتتا بولعان كۆس ۆ.ۆ. مانكوۆ مەن باقىلاۋشى ۇشقىش د.ە. بايبۋسينوۆ زارداپ شەككەن جوق. اۆياتەحنيك گ.ا. بالۋەۆتى كۇيىك شالعان. ول قازىرگى ۋاقىتتا اقكول ەلدى مەكەنىنىڭ اۋرۋحاناسىندا جاتىر.
كۆس مانكوۆ ۆلاديمير ۆلاديميروۆيچ تىركەۋ ءنومىرى «UP MI 212» مي-2 تىكۇشاعىمەن جانە اقمولا اۆياتوبىنىڭ كۇشىمەن قازاقستان رەسپۋبليكاسى اقمولا وبلىسىنىڭ مەملەكەتتىك ورمان قورى اۋماعىندا ورماناۆياتسيالىق جۇمىستاردى ورىنداعان.
انىقتاما. «تيان-شان» ۇشۋ ورتالىعى اۆياتسيالىق كومپانياسى جشس 1995 جىلى قۇرىلعان. اۆياتسيالىق نارىقتا اۆياتسيالىق جۇمىستاردى, سونىڭ ىشىندە قر اۋماعىنداعى ورماناۆياتسيالىق جۇمىستاردى ورىنداۋعا مانداندىرىلعان.
سوڭعى 14 جىلدا اۆياكومپانيادا وقىس وقيعالار تىركەلمەگەن. قر يدم ازاماتتىق اۆياتسيا كوميتەتى 2017 جىلدىڭ 2 ناۋرىزىندا اۆياتسيالىق جۇمىستاردى ورىنداۋدىڭ № KAZ-02/038 كۋالىگىن بەرگەن.
