ەگەر مەكتەپكە دەيىنگى جانە مەكتەپ جاسىندا بالالارىڭىز بار بولسا;
ەگەر بولاشاقتى ويلايتىن اتا-انا بولساڭىز;
ەگەر بالاڭىز ءبىلىم گرانتتارىنىڭ ۇيلەستىرىلۋىنە تاۋەلدى بولماسىن دەسەڭىز;
ەگەر بالاڭىزدىڭ بانكتە ونىڭ بولاشاعىنا ارنالعان جەكە شوتى بولعانىن قالاساڭىز, وندا كىرىسىڭىزدىڭ ءبىر بولىگىن بالاڭىزدىڭ كەلەشەكتە قازاقستاندا نە شەتەلدە ءبىلىم الۋىنا جيناقتاۋدى باستايتىن كەز كەلدى!
مەملەكەتتىك ءبىلىم بەرۋ جيناقتاۋ جۇيەسى شەڭبەرىندە ءبىلىم بەرۋ دەپوزيتىن اشىپ, اي سايىن بانكتەن سىياقى (بانككە بايلانىستى 14%-عا دەيىن) جانە جىلىنا ءبىر رەت مەملەكەتتەن سىيلىقاقى (5% نەمەسە 7%) الاتىن بولاسىز.
7% سىيلىقاقى باسىمدىلىقتى ساناتتاعىلارعا: جەتىم بالالار, مۇگەدەكتەر, از قامسىزداندىرىلعان جانە كوپ بالالى وتباسىلارىنداعى بالالارعا بەرىلەدى.
وسىلايشا دەپوزيت بويىنشا جالپى تابىستىلىق جىلدىق 21%-عا دەيىن بولادى.
كورنەكىلىك ءۇشىن اي سايىنعى جارنالار ءارتۇرلى بولعانداعى جيناقتاۋدىڭ ۇلگى ەسەپتەرىن الىپ كورەلىك. مىسالى, باستاپقى جارنا 7000 تەڭگە, بانكتىڭ پايىزى 13,5%, مەملەكەت سىيلىقاقىسى 5% بولعاندا:
جوعارى تابىستىلىق جانە پايىزداردىڭ كاپيتالداندىرىلۋى جيناقتى اقشانىڭ قۇنسىزدانۋىنان قورعاپ قانا قويماي, قوماقتى قور جيناۋعا مۇمكىندىك بەرەدى. ويتكەنى, پايىزداردىڭ كاپيتالعا اينالۋى سالىم بويىنشا جينالعان پايىزداردان قوسىمشا دەپوزيتتىك پايدا الۋعا مۇمكىندىك بەرەدى.
قازىرگى ۋاقىتتا دەپوزيتتەردىڭ بارلىق تۇرلەرى بويىنشا مولشەرلەمەلەردىڭ تومەندەۋ ۇدەرىسى بايقالۋدا, سوندىقتان مبجج شەڭبەرىندە بانكتىڭ 12% -14% اعىمداعى پايىزدىق مولشەرلەمەلەرىمەن دەپوزيت اشۋعا اسىققاندارىڭىز ءجون.
ايتا كەتەتىن ماڭىزدى جايت, بۇل دەپوزيت ءۇشىنشى تاراپتاردىڭ تىيىم سالۋلارى مەن باسقاداي شەكتەۋلەرىنەن زاڭنامامەن قورعالعان (قر ازاماتتىق كودەكسىمەن; قر قىلمىستىق-پروتسەستىك كودەكسىمەن; قر ازاماتتىق پروتسەستىك كودەكسىمەن;
«قازاقستان رەسپۋبليكاسىنداعى بانكتەر جانە بانك قىزمەتى تۋرالى» قر زاڭىمەن; «اتقارۋشىلىق iس جۇرگiزۋ جانە سوت ورىنداۋشىلارىنىڭ مارتەبەسi تۋرالى» قر زاڭىمەن).
سونداي-اق ءبىلىم بەرۋ دەپوزيتتەرى 10 ميلليون تەڭگەگە دەيىنگى سومادا قازاقستاننىڭ دەپوزيتتەرگە كەپىلدىك بەرۋ قورىمەن قورعالعان.
سونىمەن قاتار, جيناقتىڭ سوماسى مەن مەرزىمدەرىن سالىمشى ءوز بەتىنشە بەلگىلەيتىندىگىن ايتا كەتۋ كەرەك. بۇل ءسىزدىڭ وتباسىڭىزدىڭ بيۋدجەتى ءۇشىن وتە قولايلى جانە وعان جۇك تۇسىرمەيدى. جيناقتاۋدى جالعاستىرىپ, مەملەكەت سىيلىقاقىسىن الا وتىرىپ, وقۋدىڭ اقىسىن بولشەكتەپ تولەي الاتىنىڭىز دا اسا وڭتايدى.
جوعارى ءبىلىم الۋعا ءبىلىم گرانتىن يەلەنگەن جاعدايدا سالىمشى جيناعىن مەملەكەت سىيلىقاقىسىمەن بىرگە الۋعا, ونى باسقا تۇلعانىڭ اتىنا اۋدارۋعا, ءبىلىمنىڭ باسقا دەڭگەيلەرىن الۋ ءۇشىن جيناقتاۋدى جالعاستىرۋعا قۇقىلى.
سالىمشى كەز كەلگەن ۋاقىتتا شارتتى بۇزىپ, ءوزىنىڭ سالعان اقشاسى مەن بانكتىڭ سىياقىسىن الا الادى. بۇل جاعدايدا مەملەكەت سىيلىقاقىسى مەملەكەت بيۋدجەتىنە قايتارىلادى.
ستاتيستيكاعا سۇيەنسەك, حالىقتىڭ مبجج-عا دەگەن سەنىمى كۇننەن كۇنگە ارتىپ كەلەدى. مەملەكەتتىك باعدارلاما ىسكە قوسىلعالى بەرى 4 جىلدا 18000-عا جۋىق سالىمشى جالپى سوماسى 12 ملرد تەڭگەگە ءبىلىم بەرۋ دەپوزيتتەرىن اشتى.
مبجج شەڭبەرىندە ۇنەمى الەۋمەتتىك ءالسىز توپتاعى بالالارعا ءبىلىم دەپوزيتتەرىن اشۋعا ارنالعان قايىرىمدىلىق ءىس-شارالارى وتكىزىلەدى.
ايتا كەتەرلىگى, 2017 جىلعى 6 قىركۇيەكتە «نۇر وتان» پارتياسى مەن «جاس وتان» جق «قارجى ورتالىعى» اق-پەن بىرلەسىپ, قازاقستاننىڭ پارلامەنت دەپۋتاتتارىنىڭ, كورنەكتى قايراتكەرلەرىنىڭ, بيزنەس-قوعامداستىعى وكىلدەرىنىڭ از قامسىزداندىرىلعان وتباسىلارداعى بالالاردىڭ اتىنا ءبىلىم بەرۋ دەپوزيتتەرىن اشۋىنا باعىتتالعان «جارقىن بولاشاقتىڭ كەپىلى!» قايىرىمدىلىق اكتسياسىنا باستاۋ بەرگەن بولاتىن.
بۇگىن باستاساڭىز, ەرتەڭ بالاڭىز قالاعان ءبىلىمىن الا الادى!
دەپوزيتتى اشۋ ءۇشىن مبجج-عا قاتىسۋشى بانكتەردىڭ بىرىنە بارۋ قاجەت, ولاردىڭ شارتتارى تومەندەگىدەي:
تاعى ءبىر قىزىقتى جايت, مەيلى ول ەكىنشى جوعارى ءبىلىم, نە ماگيستراتۋرا بولسىن, مبجج-نىڭ كومەگىمەن ەرەسەكتەر دە ءوزىنىڭ وقۋىنا اقشا جيناقتاي الادى.
تولىعىراق اقپاراتتى 8 (800) 080-28-28 (بايلانىسۋ تەگىن) نومەرى بويىنشا قازاقستان رەسپۋبليكاسى ءبىلىم جانە عىلىم مينيسترلىگى «قارجى ورتالىعى» اق-نىڭ جەدەل جەلىسىنە حابارلاسىپ, نەمەسە www.fincenter.kz, www.depozit.fincenter.kz سايتىنان الا الاسىز.
