وسىنداي جايت بارلىق قازاقستاندىق اتا-انالاردى ويلاندىرۋعا ءتيىس. جاراقات الۋلاردىڭ كوبەيىپ بارا جاتقاندىعىنىڭ ءبىر سەبەبى ەشقانداي ەرەسەك ادامنىڭ باقىلاۋىنسىز قالاتىن بالالاردىڭ ويناۋ الاڭدارى. سوندايدىڭ ءبىر مىسالى رەتىندە قوستاناي قالاسىنداعى قايعىلى وقيعانى ايتۋعا بولادى. ەرەسەك ادامنىڭ باقىلاۋىنسىز باتۋتتا سەكىرىپ جۇرگەن ەكى ءبۇلدىرشىن ۇشىپ كەتىپ, قاتتى جاراقاتتار العان. ويتكەنى باتۋتتىڭ اينالاسىنا كەلەڭسىزدىكتەن ساقتاندىرۋعا ءتيىستى تور تارتىلماعان, تىم بولماسا قۇلاعاندا دەنەلەرىن اۋىرتپايتىن جۇمساق زاتتار دا توسەلمەگەن.
قازىر بالالاردىڭ سالت اتپەن قىدىرۋىنا دا رۇقسات بەرىلگەن. التى جاسار لاۋرا دەگەن قىز سالت اتپەن جۇرگەندە قاسىندا ەشقانداي ۇيرەتۋشى بولماعان جانە قىدىرۋ الاڭى دا اتتى ادامعا تار بولعان, سونىڭ سالدارىنان قىز ۇرىككەن اتتان قۇلاپ, وڭ جاق يىعىن سىندىرىپ, قاتتى جاراقات العان. ءبۇلدىرشىن ۇزاق ۋاقىت قينالىپ, اۋرۋحانانىڭ توسەگىنە تاڭىلۋعا ءماجبۇر بولدى. ال بيىلعى قىستا ون ەكى جاسار ارۋجاننىڭ تاعدىرى ءتىپتى ايانىشتى, ول مۇز سىرعاناقتا قاتتى سوعىلعاننان قازا تاپتى...
مىنە, وسىنداي مىسالداردى كوپتەپ كەلتىرۋگە بولادى. وسىنىڭ ءبارى بالالاردىڭ دەمالىس ساعاتىن دۇرىس ۇيىمداستىرا الماۋ مەن باقىلاۋدىڭ تومەندىگىنەن بولىپ وتىر.
بالالار ءبىزدىڭ بولاشاعىمىز, ولاردىڭ امان وسۋىنە بارلىق قازاقستاندىق ەرەسەكتەر جاۋاپتىمىز. وسى مىندەتتى ەسكەرە وتىرىپ مەن پرەمەر-مينيستر باقىتجان ساعىنتاەۆقا دەپۋتاتتىق ساۋال جولداپ, مىنا ماسەلەلەردىڭ شەشىلۋىن ۇسىندىم:
1.بالالاردىڭ بەلسەندى دەمالىسىن ۇيىمداستىراتىن ورىنداردىڭ جاۋاپكەرشىلىگى مەن پايدالانۋ تارتىپتەرىن قاراستىرعان ستاندارتتاردىڭ بولۋى قاداعالانىپ جانە ولاردىڭ زاڭنامالىق, نورماتيۆتىك بازالارىنا ساراپ جاسالىپ, قاجەتىنشە جەتىلدىرىلسىن;
2.جەرگىلىكتى اتقارۋشى ورگاندار ءوز اۋماقتارىنداعى بالالاردىڭ دەمالىس ورىندارىن ەلەكتروندى بازاعا ەنگىزىپ جانە ولاردىڭ جۇمىسىن باقىلاۋعا الۋعا مىندەتتەلسىن;
3.وسى ىسكە قاتىسى بار بارلىق مەملەكەتتىك ورگانداردىڭ باقىلاۋ شارالارىن جۇرگىزۋ ىسىنە جەرگىلىكتى ءوزىن-ءوزى باسقارۋ ورگاندارىنىڭ بەلسەندىلەرىن تارتۋ جانە ولاردى نورماتيۆتىك بازالار ازىرلەۋ ىسىنە قاتىستىرۋ قاداعالانسىن;
4.2018 جىلعا دەيىن بالالاردىڭ بەلسەندى دەمالىسى ۇيىمداستىرىلاتىن بارلىق ورىنداردىڭ قاۋىپسىزدىگىن انىقتاۋ ءۇشىن تەكسەرىس جۇرگىزىپ, سىنعان, دۇرىس بەكىتىلمەگەن جانە ت.ب. جابدىقتاردىڭ جوندەلۋى مەن بەكىتىلۋى انىقتالسىن.
وسى جۇمىستاردىڭ ورىندالۋىن قاتاڭ باقىلاۋعا الۋدى سۇرايمىن دەگەن ساۋالىمدى كوپتەگەن ارىپتەستەرىم قولدادى.
يۆان كليمەنكو,
ءماجىلىس دەپۋتاتى, الەۋمەتتىك-مادەني دامۋ كوميتەتىنىڭ مۇشەسى
