وعان ۇلتتىق بانك توراعاسىنان جاۋاپ كەلىپ, «ازەربايجان رەسپۋبليكاسىنىڭ قارجى مينيسترلىگىنە جانە ازەربايجان حالىقارالىق بانكىنە حاتتار جىبەرىلگەنى, سونىمەن قاتار وبليگاتسيالاردى ۇستاۋشىنىڭ مەرزىمىنەن بۇرىن وتەۋدى تالاپ ەتۋ قۇقىقتارىنا, ءاحب وبليگاتسيالارىن مەرزىمىنەن بۇرىن وتەۋ جونىندەگى راسىمدەرگە تۇسىنىكتەمە الۋ ءۇشىن مامىلەنى ۇيىمداستىرۋشى Citi Group-قا حات جازىلعانى ايتىلعان. الايدا, Citi Group-تان 2016 جىلعى ساۋىردە الىنعان رەسمي جاۋاپتا ءاحب بەرەشەگىن مەرزىمىنەن بۇرىن وتەۋدەن باس تارتىلعانى جەتكىزىلگەن. كەلىسسوزدەر بارىسىندا ۇلتتىق بانك ءاحب-دا قاراجاتتىڭ جوق ەكەنىن ەسكەرە وتىرىپ, ءاحب-نىڭ باسقا وتىمدىرەك وبليگاتسيالارىنا نەمەسە ازەربايجان رەسپۋبليكاسىنىڭ مەملەكەتتىك باعالى قاعازدارىنا ايىرباستاۋ مۇمكىندىگىن قاراۋعا دايىن ەكەندىگىن ايتقان. سونىمەن بىرگە ۇلتتىق بانك وبليگاتسيالاردىڭ قۇنى Bloomberg اقپاراتتىق-تالدامالىق جۇيەسى بويىنشا ەسەپتەلىپ, 2017 جىلعى 10-24 مامىر ارالىعى كەزەڭىندە نومينالدىق قۇننان 92,28%-دان 81,69%-عا دەيىن تومەندەگەنىن جەتكىزگەن. جاۋاپتىڭ قورىتىندىسىندا لوندوندا شەتەلدىك كرەديتورلارمەن وتكەن كەزدەسۋ بارىسىندا ازەربايجان حالىقارالىق بانكى بورىشتىڭ ءتيىستى تۇرلەرى ءۇشىن قايتا قۇرىلىمداۋدىڭ 3 نۇسقاسىن ۇسىنعانى ايتىلعان.
ال وتكەن سارسەنبى كۇنى ۇكىمەت ۇيىندە وتكەن ءباسپاسوز ءماسليxاتىندا «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ ءۇش ايعا سوزىلعان كەلىسسوزدەردىڭ ناتيجەسىندە ءاحب-نىڭ 250 ملن اقش دوللارىنا تەڭ نەگىزگى قارىزى قايتارىلاتىن بولىپ كەلىسىلگەنىن مالىمدەدى. الايدا, ءوسىم پايىزى تومەندەتىلگەن, بىراق ءاحب-نىڭ ازەربايجان قارجى مينيسترلىگىنىڭ كەپىلدەندىرىلگەن ەۋرووبليگاتسيالارىنا اۋىستىرىلاتىندىعىن جەتكىزدى. ءسويتىپ, قوعامدىق الاڭداۋشىلىقتىڭ, سونىڭ ىشىندە دەپۋتاتتاردىڭ سۇراۋ سالۋىمەن بجەق قاراجاتى ورنىنا كەلەتىن بولىپتى.
ازىرلەگەن
جاقسىباي سامرات,
«ەگەمەن قازاقستان»
