نۇرسۇلتان نازارباەۆتىڭ اتىنا ەلىمىزدىڭ ازاماتتارى مەن ۇيىمدارىنان قازاق جازۋى لاتىن قارپىنە كوشىرۋ تۋرالى شەشىمگە قولداۋ بىلدىرگەن كوپتەگەن حاتتار پەن جەدەلحاتتار كەلىپ ءتۇستى, دەلىنگەن حابارلامادا.
قولداۋ بىلدىرگەن جەدەلحاتتار ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى ع.مۇتانوۆتان, قازاق ۇلتتىق ونەر ۋنيۆەرسيتەتىنىڭ رەكتورى ا.مۇساقوجاەۆادان, قازاقستان رەسپۋبليكاسىنىڭ ۇلتتىق كىتاپحاناسىنىڭ ديرەكتورى ج.سەيدۋمانوۆتان, قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترىنىڭ ديرەكتورى ن.داۋەشوۆتەن كەلىپ ءتۇستى.
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ە.سىدىقوۆتىڭ حاتىندا: «لاتىن قارپىنە كەزەڭ-كەزەڭمەن جۇيەلى ءوتۋ قازاقستان رەسپۋبليكاسىنداعى مەملەكەت قۇرىلىسى ساياساتىنىڭ ساليقالى, بايىپتى باعىتىنا ساي دەپ بىلەمىز. بۇل شارانىڭ رۋحاني-الەۋمەتتىك, تاريحي-تانىمدىق ءمان-ماڭىزى ەرەكشە», – دەپ جازىلعان.
مەملەكەت باسشىسىنىڭ اتىنا قازاقستاننىڭ عىلىمي جانە شىعارماشىل زيالى قاۋىم وكىلدەرى دە حاتتار مەن جەدەلحاتتار جولدادى.
اتاپ ايتقاندا, ەلىمىزدىڭ ۇلتتىق عىلىم اكادەمياسىنىڭ اكادەميگى ك.بايپاقوۆ: «لاتىن قارپىنە كوشۋ – بۇل بارلىق تۇركى حالىقتارىنىڭ دامۋىنا جول اشاتىن ءبىرتۇتاس تۇركىتىلدەس اقپاراتتىق كەڭىستىكتى قالىپتاستىرۋعا قوسىلعان ەلەۋلى ۇلەس», – دەپ جازعان.
پرەزيدەنتتىڭ باستاماسىنا فيلولوگيا عىلىمدارىنىڭ دوكتورى, پروفەسسور م.سابىر, قوستاناي مەملەكەتتىك پەداگوگيكالىق ينستيتۋتىنىڭ دەكانى ك.ەسىركەپوۆا, فيلولوگيا عىلىمدارىنىڭ كانديداتى ا.ءاباسىلوۆ, فيلوسوفيا عىلىمدارىنىڭ كانديداتى د.كاچەەۆ, قازاقستاننىڭ ەڭبەك سىڭىرگەن قايراتكەرلەرى ج.سەيدوللا ۇلى, ق.احمەتوۆ, د.تىلەنديەۆا, ب.دەمەۋوۆ, ج.ەرمانوۆ, مەملەكەتتىك فيلارمونيانىڭ ءسوليسى ن.ءنۇسىپجانوۆ, «استانا وپەرا» مەملەكەتتىك وپەرا جانە بالەت تەاترىنىڭ جەتەكشى سوليستەرى م.مۇحامەدقىزى, م.باسباەۆا, رەجيسسەر ل.يمانعازينا, اكتەر ە.دايىروۆ, حالىقارالىق كونكۋرستاردىڭ جەڭىمپازى ق.وماروۆ قولداۋ ءبىلدىردى.
مەملەكەتتىك سىيلىقتىڭ لاۋرەاتتارى, جازۋشىلار س.دوسانوۆ پەن ءا.اسقاروۆ, مەملەكەتتىك سىيلىقتىڭ لاۋرەاتتارى, اقىندار ن.ايت ۇلى مەن ۇ.ەسداۋلەت ۇلى, قازاقستاننىڭ ەڭبەك سىڭىرگەن قايراتكەرى, جازۋشى س.ەلۋباي جولداعان ۇجىمدىق حاتتا: «قازاق ءالىپبيىنىڭ جاڭا گرافيكاداعى بىرىڭعاي ستاندارتتى نۇسقاسىن قابىلداۋ كەرەك دەگەن ءسوزىڭىز بۇكىل زيالى قاۋىمنىڭ كوپتەن كۇتكەن قۋانىشى ەدى. سەبەبى ءبىزدىڭ سانانى جاڭعىرتۋداعى رۋحاني دامۋ, وركەندەۋ جولىمىز وسى قازاق ءتىلىنىڭ جاڭا الىپبيىنەن باستاۋ العالى تۇر», – دەلىنگەن.
لاتىن گرافيكاسىنا وتۋگە قولداۋ بىلدىرگەن ۇيىمدار مەن كاسىپورىنداردىڭ قاتارىندا قازاقستان رەسپۋبليكاسىنىڭ ۇلتتىق مۋزەيى, اباي اتىنداعى قازاق مەملەكەتتىك اكادەميالىق وپەرا جانە بالەت تەاترى, مەملەكەتتىك اكادەميالىق بي تەاترى, «سالتانات» مەملەكەتتىك بي ءانسامبلى, «قازاقكونتسەرت» مەملەكەتتىك كونتسەرتتىك ۇيىمى, جامبىل اتىنداعى قازاق مەملەكەتتىك فيلارمونياسى, «قازاقستان كامەراتاسى» كلاسسيكالىق مۋزىكا ءانسامبلى, «قىزىلجار-اقپارات» جاۋاپكەرشىلىگى شەكتەۋلى سەرىكتەستىگى بار.
«استانا وپەرا» مەملەكەتتىك وپەرا جانە بالەت تەاترىنىڭ ۇجىمىنان كەلىپ تۇسكەن حاتتا: «قازاقستاننىڭ الەمدىك قوعامداستىققا ەنۋىن جەدەلدەتىپ, جاھاندىق وركەنيەتكە جاقىنداتا تۇسەتىن ۇردىستەردىڭ ءبىرى – لاتىن قارىپتەرىنە كوشۋ دەپ بىلەمىز. «استانا وپەرا» مەملەكەتتىك وپەرا جانە بالەت تەاترىنىڭ ۇجىمى ءسىزدىڭ ەل ومىرىندەگى وسى تاريحي شەشىمىڭىزدى قولداپ, ونىڭ ءارى قاراي جۇزەگە اسۋىنا ۇلەستەرىن قوسادى», – دەلىنگەن.
مەملەكەت باسشىسىنىڭ اتىنا ەلىمىزدىڭ سپورت ۇيىمدارىنىڭ وكىلدەرىنەن دە كولەمدى حاتتار كەلىپ ءتۇستى. سولاردىڭ قاتارىندا بوكستان وليمپيادالىق دايارلاۋ ورتالىعىنىڭ, ۆەلوسيپەد سپورتىنان وليمپيادالىق دايارلاۋ ورتالىعىنىڭ, كۇرەس تۇرلەرى بويىنشا وليمپيادالىق دايارلاۋ ورتالىعىنىڭ, ۇلتتىق جانە ات سپورتى تۇرلەرى ورتالىعىنىڭ, ۇلتتىق شتاتتىق كوماندالار جانە سپورت رەزەرۆى ديرەكتسياسىنىڭ, استانا قالاسىنداعى وليمپيادالىق دايارلاۋ ورتالىعىنىڭ, وسكەمەن قالاسىنداعى وليمپيادالىق دايارلاۋ ورتالىعىنىڭ ۇجىمى بار. سونداي-اق بوكستان قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى ا.تشانوۆ, XXXI جازعى وليمپيا ويىندارىنىڭ چەمپيونى د.بالاندين, XXXI جازعى وليمپيا ويىندارىنىڭ كۇمىس جۇلدەگەرى ج.جاپپارقۇل وزدەرىنىڭ قولداۋ حاتتارىن جولداعان.
اۋىر اتلەتيكادان حالىقارالىق دارەجەدەگى سپورت شەبەرى ايدار قازوۆ سولتۇستىك قازاقستان وبلىسى سپورتشى جاستارىنىڭ اتىنان جولداعان حاتىندا: «بۇگىندە ءبىز جاھاندىق وزگەرىستەر الدىندا تۇرمىز. بۇل – قازاقستان ءۇشىن شىنىمەن دە تاريحي ءسات. قازاق ءتىلىنىڭ لاتىنعا ءوتۋى ەلىمىزگە بولاشاقتا زور مۇمكىندىكتەر تۋعىزىپ, ءوزىمىزدىڭ ءتۇپ-تامىرىمىزعا ورالۋعا جەتەلەيتىن بولادى», – دەپ اتاپ وتكەن.
قازاقستان پرەزيدەنتىنىڭ قازاق ءتىلىن لاتىن الىپبيىنە كوشىرۋ تۋرالى باستاماسىنا قوعامدىق ۇيىمداردىڭ جەتەكشىلەرى دە قولداۋ ءبىلدىردى. ولاردىڭ قاتارىندا «قازاق ءتىلى» حالىقارالىق قوعامدىق بىرلەستىگىنىڭ باتىس قازاقستان وبلىستىق فيليالىنىڭ توراعاسى ب.جەكسەنعاليەۆ, «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ قوستاناي وبلىستىق فيليالىنىڭ توراعاسى ك.ۇكين, قىزىلوردا وبلىسىنىڭ جالاعاش اۋدانى ارداگەرلەر كەڭەسىنىڭ توراعاسى س.اليەۆ بار.
ەلباسى ءوز اتىنا كەلىپ تۇسكەن بارلىق حاتتارمەن مۇقيات تانىسىپ شىعىپ, حات يەلەرىنە جىلى لەبىزدەرى ءۇشىن العىس ءبىلدىردى.
