جاڭا جوبا جاستاردىڭ شىعارماشىلىق الەۋەتىن, ايماقتاعى ازاماتتىق قوعامدى دامىتۋ, جاس جۋرناليستەردىڭ ءوز جوبالارىن جۇزەگە اسىرۋ قابىلەتىن قالىپتاستىرىپ, الەۋمەتتىك قابىلەتتەرىن جەتىلدىرۋدى ماقسات ەتىپ وتىر.
«جوبا ومىرلەرىن جۋرناليستيكا سالاسىمەن بايلانىستىرۋدى قالايتىن, بىراق وعان مۇمكىندىگى جوق جاستاردىڭ ارماندارىنا جەتۋىنە جول اشىپ, جۋرناليستيكا سالاسىندا قالىپتاسۋعا كومەكتەسۋ مىندەتىن كوزدەيدى», – دەدى ا.دانيار.
جوباعا قاتىسۋشىلار ءۇش كەزەڭنەن وتەدى. اۋەلى ىرىكتەۋ كەزەڭىندە ۇمىتكەرلەر وزدەرىنىڭ ەسسە, فوتو, اۋديو نەمەسە ۆيدەو رەپورتاجدارىن جىبەرەدى. جۋرناليستەردەن قۇرالعان ادىلقازىلار القاسى ۇزدىك جۇمىستاردى ىرىكتەيدى. ءبىرىنشى سىننان سۇرىنبەي وتكەن جاستار, ەكىنشى كەزەڭدە «جۋرناليستيكا مەكتەبى» دەپ اتالاتىن ەلىمىزدىڭ 6 ايماعىندا وتكىزىلەتىن 4-كۇندىك جۋرناليستيكا كۋرستارىنا قاتىسپاق. ءدارىستى ءساندى سۇلتان مەن گۇلناز اۋدانباەۆا سەكىلدى تاجىريبەلى جۋرناليستەر وقيدى. سونىڭ ناتيجەسىندە قاتىسۋشىلار وزدەرىنىڭ مەديا جوبالارىن ازىرلەيدى. وسى ءۇشىنشى كەزەڭ ناتيجەسى بويىنشا ۇزدىك اۆتورلار 100 مىڭ تەڭگە مولشەرىندەگى اقشالاي سىيلىقپەن ماراپاتتالادى. جەڭىمپازداردى ماراپاتتاۋ ءراسىمى الداعى جەلتوقساندا ۇيىمداستىرىلماق.
«قازىرگى تاڭدا جۋرناليستيكا مەكتەپتەرى تەك ۇلكەن قالالاردا بار, ولاردىڭ كوبىسى اقىلى. كەيبىر جاستاردىڭ ونداي مەكتەپتەردە وقۋ مۇمكىندىگى بولسا, كەيبىرىنىكى بولا بەرمەيدى. ءبىزدىڭ «جاس مەديا» جوباسى بارىنە بىردەي مۇمكىندىكتەر بەرەدى, ويتكەنى ىقىلاس پەن قالاۋدان باسقا ەشتەڭەنى تالاپ ەتپەيدى جانە وتە تاجىريبەلى, ءارى مويىندالعان تانىمال جۋرناليستەردە وقۋ مۇمكىندىگىن سىيلايدى», – دەپ تۇسىندىرەدى جوبانىڭ ماقساتىن ا.دانيار.
«Samruk-Kazyna Trust» الەۋمەتتىك جوبالاردى دامىتۋ قورىنىڭ اتقارۋشى ديرەكتورى ليما دياستىڭ ايتۋى بويىنشا, مەكەمە قازاقستاندىقتاردىڭ ءومىرىن جاقسارتاتىن جوبالارعا كوڭىل بولەدى. سوندىقتان, ەلىمىزدىڭ التى وبلىسىندا وتەتىن جاس جۋرناليستەرگە ارنالعان جوبا قور ءۇشىن ماڭىزعا يە. ونىڭ پىكىرىنە سۇيەنسەك, جۋرناليستيكا سالاسىنا جاڭا اياق باسقاندارعا ەلىمىزدىڭ ۇزدىك ماماندارى ءدارىس وقىپ, ءبىلىم الۋعا جاردەمدەسەدى. جوبا «سامۇرىق-قازىنا» اق كومپانيالار توبىنىڭ «مەنىڭ ەلىم» الەۋمەتتىك ينۆەستيتسيالار باعدارلاماسى اياسىندا جۇزەگە اسىرىلىپ وتىر.
«جوبا اياسىندا جۋرناليستەردىڭ پراكتيكالىق قابىلەت پەن قىزىقتى مەديا جوبا جازىپ, شەشەندىك ونەردىڭ نەگىزدەرىن مەڭگەرۋگە ۇيرەتەتىن ارنايى باعدارلاما ازىرلەدىك. مەديا سالاسىنا كەلگەن جاستار الەم مويىنداعان بەدەلدى BBC, CNN سەكىلدى ارنالاردىڭ دەڭگەيىندە جۇمىس ىستەۋدىڭ قاجەتتىلىگىن ۇعىنۋ كەرەك. سوندا عانا اقپاراتتىق كونتەنتتىڭ ساپاسى وسەدى. سونىمەن قاتار, جاستارعا جۋرناليستيكا مادەنيەتى مەن ەتيكاسىن ۇيرەتۋ قاجەت. جوبانىڭ جۋرناليستيكا سالاسىن دامىتىپ قانا قويماي, جاستار اراسىندا قوعامدىق پىكىر كوشباسشىلارىن ايقىنداۋعا كومەكتەسەتىنە سەنىمدىمىن», – دەگەن تانىمال تەلەجۇرگىزۋشى ءساندى سۇلتان ءوز ويىمەن ءبولىستى.
اباي اسانكەلدى ۇلى,
«ەگەمەن قازاقستان»
