قازقۇتقارۋ-2017 ءۇشىنشى كۇنى كوماندالار «تەحنوگەندىك اپاتتار جانە قورشاعان ورتا جاعدايىنداعى ىزدەۋ-قۇتقارۋ جۇمىستارى» اراقاشىقتىعىندا قۇتقارۋ كوپسايىسى بويىنشا جارىسۋدا. كاسىبي قۇتقارۋشىلار ء«ۇيىندى», «كانون», «لابيرينت», «تاۋداعى قۇتقارۋ جۇمىستارى», «جول-كولىك جانە تەمىرجول وقيعالارى», «حيميالىق اپات», «فورت» جانە «جارتاس» كەزەڭدەرىنەن ءوتتى.
جاڭا ەنگىزىلىم رەتىندە ء«ۇيىندى» كەزەڭىندەگى جارىستارعا كينولوگيالىق ەسەپتەر كىرىستى, ولار ۇيىندىلەردەن زارداپ شەككەن ادامداردى ىزدەستىردى.
جارىستاردىڭ بارلىق كەزەڭدەرىندەگى كوماندالاردىڭ باستى مىندەتى «زارداپ شەككەندەردى» جانە «قازا بولعانداردى» تابۋ, ولاردى بۇعاتتان شىعارۋ العاشقى مەديتسينالىق كومەك كورسەتۋ, ولاردى قاۋىپسىز جەرگە ەۆاكۋاتسيالاۋ بولىپ تابىلادى.
جارىستىڭ ءار كەزەڭىنىڭ ارالىق ناتيجەلەرى بويىنشا ەڭ ۇزدىك ۋاقىت كورسەتكەندەر:
- ء«ۇيىندى» كەزەڭىندە – سولتۇستىك وڭىرلىك اەروموبيلدىك جەدەل-قۇتقارۋ جاساعى (ۋاقىتى - 51:57);
- «شاتقال» كەزەڭىندە – شىعىس وڭىرلىك اەروموبيلدىك جەدەل-قۇتقارۋ جاساعى (ۋاقىتى - 40:27);
- «لابيرينت» كەزەڭىندە – ورتالىق وڭىرلىك اەروموبيلدىك جەدەل-قۇتقارۋ جاساعى (ۋاقىتى - 26:55);
- «تاۋلارداعى قۇتقارۋ جۇمىستارى» كەزەڭىندە – ورتالىق وڭىرلىك اەروموبيلدىك جەدەل-قۇتقارۋ جاساعى (ۋاقىتى - 52:46);
- «جول-كولىك جانە تەمىر جول وقيعالارى» كەزەڭىندە – رەسپۋبليكالىق جەدەل-قۇتقارۋ جاساعى (ۋاقىتى - 26:41);
- «حيميالىق اۆاريا» كەزەڭىندە – سولتۇستىك وڭىرلىك اەروموبيلدىك جەدەل-قۇتقارۋ جاساعى (ۋاقىتى - 25:55);
- «فورت» كەزەڭىندە – سولتۇستىك وڭىرلىك اەروموبيلدىك جەدەل-قۇتقارۋ جاساعى (ۋاقىتى - 49:15).
