سونىمەن قاتار ەلباسىنا ەل تاۋەلسىزدىگى جولىنداعى كۇرەستە تانىمال بولعان بەلگىلى تاريحي قايراتكەرلەر – حاندار, بيلەر جانە باتىرلار سۋرەتتەرىنىڭ گالەرەياسى كورسەتىلدى.
مەملەكەت باسشىسى قاراساي اۋدانىنىڭ جۇرتشىلىق وكىلدەرىمەن كەزدەستى. وندا ءوڭىردىڭ الەۋمەتتىك-ەكونوميكالىق ماسەلەلەرى مەن الماتى وبلىسىنىڭ دامۋ پەرسپەكتيۆالارى تالقىلاندى.
مەملەكەت باسشىسى قاراساي اۋدانىنداعى مۋزەي قۇرىلىسىمەن تانىستى.
ەلباسى مۋزەي ەكسپوزيتسياسىندا ەل تاۋەلسىزدىگىنىڭ بارلىق كەزەڭدەرىن, سونىڭ ىشىندە قازاقستاننىڭ جاڭا ەلورداسى – استانانىڭ سالىنۋىن قامتۋ قاجەت ەكەنىن اتاپ ءوتتى.
مۋزەي جانىندا تاۋەلسىز قازاقستاننىڭ تاريحي دامۋ كەزەڭدەرىن بەينەلەيتىن بارەلەفتى پاننو سالىناتىن بولادى. ونىڭ ورتاسىنا مەملەكەتتىك تۋدىڭ تۇعىرىن ورنالاستىرۋ جوسپارلانعان.
سونداي-اق نۇرسۇلتان نازارباەۆ الماتى قالاسىنا جانە الماتى وبلىسىنا جۇمىس ساپارى بارىسىندا شامالعان اۋىلىنا بارىپ, اۋىلداستارىمەن بەيرەسمي اڭگىمە وتكىزدى.
مۋزەي قۇرىلىسى جەكە ادامنىڭ قاراجاتى ەسەبىنەن جۇرگىزىلۋدە. نىساننىڭ قۇرىلىسى بيىلعى 1 جەلتوقساندا اياقتالادى دەپ جوسپارلانعان.
نۇرسۇلتان نازارباەۆ, سونىمەن قاتار قاراساي اۋدانىنداعى دەنە شىنىقتىرۋ جانە ساۋىقتىرۋ كەشەنىنىڭ قۇرىلىسىمەن تانىستى.
قازاقستان پرەزيدەنتىنە بۇل نىساننىڭ قۇرىلىسى جەكە قاراجات ەسەبىنەن جۇرگىزىلىپ جاتقانى مالىمدەلدى.
دەنە شىنىقتىرۋ جانە ساۋىقتىرۋ كەشەنىندە بوكس جانە كۇرەس زالدارى, ءجۇزۋ باسسەينى, تەننيس كورتى, جاتتىعۋ جانە امبەباپ سپورت زالدارى, 1000 ورىندىق ستاديونى بار فۋتبول الاڭى, سونداي-اق, مەديتسينالىق كابينەت پەن كافە ورنالاساتىن بولادى.
سۋرەتتەر پرەزيدەنتتىڭ ءباسپاسوز
قىزمەتىنەن الىندى
