ءىس-شاراعا قازاقستان رەسپۋبليكاسى تۇڭعىش پرەزيدەنتى – ەلباسى قورى اتقارۋشى ديرەكتورىنىڭ ورىنباسارى سۇلتان ايتجانوۆ پەن مەملەكەتتىك ءتىلدى دامىتۋ قورىنىڭ ديرەكتورى ازات شاۋەەۆ قاتىستى.
مەملەكەت باسشىسى نۇرسۇلتان نازارباەۆ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا ەلىمىزدە تسيفرلىق سەرۆيستەردى دامىتۋ قاجەتتىلىگىنە ەرەكشە توقتالعان بولاتىن. پرەزيدەنت تاپسىرماسىن جۇزەگە اسىرۋ ماقساتىندا قولعا الىنعان «Qazaqstan 3D» جوباسى قازاقستاندى تانىستىرۋداعى ەرەكشە مۋلتيمەديالىق جولسەرىك دەۋگە بولادى.
جاڭا تەحنولوگياعا نەگىزدەلگەن «Qazaqstan 3D» جوباسىنىڭ باستى ماقساتى عالامتور جەلىسىنىڭ مۇمكىندىگى ارقىلى ءوز وتانداستارىمىزدى, شەتەلدىك قوناقتاردى رەسپۋبليكامىزدىڭ كورنەكتى جەرلەرىمەن تانىستىرۋ بولىپ تابىلادى. قازىرگى زامانعا ساي دايىندالعان ۆەب-سايت پەن Android جانە iOS پلاتفورمالارىنداعى قوسىمشا جۇيەلى قۇرىلىمىمەن, قولايلى ينتەرفەيسىمەن ەرەكشەلەنەدى, مۇندا قازاقستاننىڭ تانىمال تۋريستىك ورىندارى 3D مودەلىندە تانىستىرىلادى. سايت الەم جۇرتشىلىعىنىڭ قازاقستان تۋرالى تولىعىراق ماعلۇمات الۋىنا مۇمكىندىك بەرەدى, ال ەلىمىزگە ساياحات جاساۋعا قىزىعۋشىلىق تانىتقان شەتەلدىك ازاماتتاردىڭ عالامتور ارقىلى وزىنە سەنىمدى سەرىكتەس تاۋىپ, قاۋىپسىز ساياحات جاساۋ باعىتىن انىقتاۋعا جانە قولايلى تۇرعىنجاي تاڭداۋىنا كومەكتەسەدى. جوبا ءۇش تىلدە: قازاق, ورىس جانە اعىلشىن تىلدەرىندە ۇسىنىلىپ وتىر.
«وسىنداي پايدالى رەسۋرستاردى اشۋ ارقىلى ءبىز رۋحاني بايلىعىمىز بەن ۇلتتىق مادەنيەتىمىزدى, سالت-ءداستۇرىمىز بەن تاريحىمىزدى ناسيحاتتاۋعا, جاستاردىڭ ءوز ەلىنە, تۋعان جەرىنە دەگەن سۇيىسپەنشىلىگىن قالىپتاستىرۋعا جانە ولاردىڭ IT سالاسىنداعى ءبىلىم-بىلىكتەرىن جەتىلدىرۋگە ىقپال ەتەمىز», - دەپ اتاپ ءوتتى سۇلتان ايتجانوۆ بريفينگتە.
ۇلتتىق سالت-ءداستۇرىمىز بەن ادەت-عۇرپىمىزدى, قازاق حالقىنىڭ مادەني, ادەبي جانە رۋحاني قۇندىلىقتارىن ساقتاۋ – مەملەكەت باسشىسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسىنىڭ نەگىزگى باعىتتارى بولىپ وتىر. وسى ماقساتتا قازاقتىڭ ءداستۇرلى دۇنيەتانىمىنداعى وسى فيلوسوفيالىق تۇسىنىكتەر «جەتi قازىنا» ءموبيلدى قوسىمشاسىنىڭ قۇرىلىمى مەن مازمۇنىنا ارقاۋ بولدى. قوسىمشانىڭ «كيەلى ساندار سىرى», «سالت-ءداستۇر», «اسىل مۇرا», ء«سوز ساندىق», «التىن زەر», «تايقازان», « ۇلى دالا عاجايىپتارى» دەپ اتالاتىن 7 ءبولىمى قازاق جانە ورىس تىلدەرىندە مول ماعلۇمات بەرەدى. رەسۋرس اتا-بابامىزدان قالعان مۇرا رەتىندە ۇرپاقتان ۇرپاققا جەتكىزىلىپ كەلە جاتقان تاريحي اڭىزدار مەن شەجىرەدەن سىر شەرتەدى, مادەني قۇندىلىقتارىمىزدى تانىستىرادى. قازىرگى ۋاقىتتا «Qazaqstan 3D» جانە «جەتى قازىنا» قوسىمشالارىن Android جانە iOs پلاتفورمالارىندا جۇكتەپ الۋعا بولادى.
