«بۇل بەينەجازبادا مەن بيىلعى جازدا پارلامەنت قاراۋىنا ۇسىنىلعان اقپارات جانە كوممۋنيكاتسيا سالاسىنداعى زاڭ جوباسىنىڭ بىرقاتار نورمالارىن ءتۇسىندىردىم. جاقىندا قازاقستاندىق مەديا قاۋىمداستىقتا رەزونانس تۋدىرعان ەڭ داۋلى نورمالارعا قاتىستى مينيسترلىكتىڭ ۇستانىمىن بىلدىرەتىن جاڭا بەينەجازبامدى جاريالايمىن», - دەدى داۋرەن اباەۆ فەيسبۋكتەگى پاراقشاسىندا.
بەينەجازبادا داۋرەن اباەۆ اقپارات جانە كوممۋنيكاتسيا سالاسىنداعى زاڭ جوباسىمەن باق تۋرالى زاڭعا وزگەرىستەر ەنگىزۋ تۋرالى پارلامەنتكە جاسالعان ۇسىنىس بارلىق قازاقستاندىققا قاتىستى بولعان سەبەپتى ءتۇسىندىرىپ بەرۋدى ءجون كورگەنىن ايتادى.
«باق تانىمال ادامدار تۋرالى اقپاراتتى اڭديتىنى ەشكىمگە قۇپيا ەمەس. ول انشىلەر, سپورتشىلار, اكتەرلەر تاعىسىن تاعىلار. ونداي اقپاراتتاردىڭ دەنى نەگىزسىز اڭگىمە مەن بولجامدارعا سۇيەنىپ جازىلاتىنى بەلگىلى. ول اقپارات وتباسىنا, جەكە ءومىرى مەن دەنساۋلىعىنا قاتىستى بولۋى مۇمكىن. كوپ جاعدايدا دۇرىس ەمەس اقپارات ادامنىڭ رەپۋتاتسياسىنا اسەر ەتەدى. ءتىپتى, ول قاتە اقپارات بولعاننىڭ وزىندە ونى تەرىسكە شىعارۋ وڭاي بولمايدى. ەڭ سوڭعى شەشىم - سوتقا شاعىمدانۋ. ول ايلاپ جۇيكەڭدى جۇقارتاتىن جۇمىس. جانە بارلىعى دا سوتقا شاعىمدانىپ قۇقىعىن قورعاۋعا بەلسەندى ەمەس, ونىڭ ىشىندە جەلسوزدىڭ قۇربانى بولعان قاراپايىم ادامدار. ماسەلەن, «14 جاستا وتباسىن» قۇرعان ماڭعىستاۋلىقتار تۋرالى اقپارات. كەيىن ولاردىڭ كامەلەت جاسقا تولعاندارى انىقتالدى. باق تەرىس اقپاراتتى جاريالاپ قانا قويماي, جاس جۇبايلاردىڭ سۋرەتتەرىندە جاريا ەتتى. وسىدان كەيىن ەلىمىزدىڭ بارلىق ايماعىنان جاس جۇبايلارعا سىن تاققان, ايىپتاعان, ءتىپتى قورلاعان پىكىرلەر ايتىلدى. جەل ءسوزدىڭ جەتەگىندە كەتكەن باق جاس جۇبايلاردىڭ ءومىرىن قيىنداتتى. ەندى ازاماتتىڭ تالابى بويىنشا باق جازىلعان اقپاراتى ءۇشىن دالەل كەلتىرۋى قاجەت. ەگەر ونداي دالەلى بولماسا, تەرىسكە شىعارعانىن جاريالايدى. بۇل تۇزەتۋ باق اقپاراتتى جاريالاماس بۇرىن تاعى ءبىر تەكسەرۋ قاجەتتىگىن قوسىمشا مىندەتتەيدى», - دەدى داۋرەن اباەۆ.
